تۇرعىن ٷي الاپتارىن جوسپارلاۋ كەزٸندە بٸلٸم بەرۋ وبەكتٸلەرٸنٸڭ قۇرىلىسى ەسكەرٸلمەي, سالدارىنان ورىن تاپشىلىعى تۋىنداپ جاتىر. قر بٸلٸم جەنە عىلىم مينيسترٸ اسحات ايماعامبەتوۆ ٷكٸمەت وتىرىسىندا وسى پروبلەمانى كٶتەردٸ, دەپ حابارلايدى قازاقپارات.
«تۇرعىن ٷي الاپتارىن جوسپارلاۋ كەزٸندە كٶبٸنەسە بٸلٸم بەرۋ وبەكتٸلەرٸنٸڭ قۇرىلىسى ەسكەرٸلمەيدٸ. وسىدان وقۋشى ورىندارىنىڭ جەتٸسپەۋشٸلٸك پروبلەمالارى تۋىندايدى. وسىعان وراي, تۇرعىن ٷي قۇرىلىسى جۇمىستارىن باستار الدىندا ەكٸمدٸكتەرگە بٸرٸنشٸدەن مەكتەپپەن قامتاماسىز ەتۋدٸ سۇرايمىن», - دەدٸ مينيستر.
ونىڭ ايتۋىنشا, بٷگٸنگٸ تاڭدا 2500 وقۋشىعا ارنالعان مەكتەپتٸڭ تيپتٸك جوباسى ەزٸرلەنگەن. ەندٸ 1500, 2000, 3000 وقۋشىعا ارنالعان مەكتەپتەردٸڭ ٷلگٸلٸك جوبالارىن ەزٸرلەۋ قاجەت.
«سالىناتىن مەكتەپتەردە مامانداندىرىلعان كابينەتتەر, زاماناۋي جابدىقتالعان ەمبەباپ شەبەرحانالار, كەمٸندە ەكٸ سپورت زالى, كٸتاپحانا, مەدياتەكا جەنە وقۋ زالدارى بولۋى تيٸس. بۇل ٷشٸن بٸز قازٸر مەكتەپتەردٸ جابدىقتاۋعا قويىلاتىن تالاپتاردى كٷشەيتٸپ جاتىرمىز», - دەدٸ ۆەدومستۆو باسشىسى.
