Qytaidyń Fýtszian provintsiiasynyń Siamyn qalasynda ótip jatqan «Golden rooster and hundred flowers» 28-festivalinde «Aika» filmi eki júldege ie boldy, dep habarlaidy «Ult aqparat».
Sondai-aq, kinofestival sheńberinde Jańabek Jetirýovtyń «Shyńyraý» filminiń kórsetilimi ótti. Bul týraly prodiýser Zarina Kisikova Facebook-tegi paraqshasynda jazdy.
«Keshe «Golden rooster and hundred flowers» kinfestivalinde Jańabek Jetirýovtyń «Shyńyraý» filmi kórsetilip, ony tamashalaǵan kórermendermen kezdesý ótkizildi. Film kórermen men distribiýtorlardyń qyzyǵýshylyǵyn týdyrdy. Kinotýyndy Qytai biliginiń ruqsatyn alyp sol eldegi prokatqa shyǵady dep úmittenemiz. Alda kóptegen aidyń jumysy tur. Sonymen qatar, «Aika» filmi kinofestivalde Best leading actress by Audience Award jáne Best foreign director by Audience Award júldesin ielendi, Sergei Dvortsevoidy (reseilik rejisser-avt) quttyqtaimyn» dep atap ótti Zarina Kisikova.
«Golden rooster and hundred flowers» festivali- Qytaidaǵy iri kinojúlde. Baiqaýdyń «Altyn átesh» músinshesin kásibi qazylar tapsyrady, al «Júz gúl» júldesiniń iegeri kórermenderdiń daýys berýimen anyqtalady.
Aita ketsek, «Aika» film Qazaqstan Respýblikasy atynan Amerikanyń kinoakademiiasynyń «Oskar» syilyǵyna usynylǵan bolatyn. Filmde basty róldi Halyqaralyq Kann-2018 kinofestivalinde «Úzdik áiel róli úshin» júldesine ie bolǵan qazaqstandyq aktrisa Samal Esliamova somdaidy.
Filmde Qyrǵyzstannan Máskeýge kelip, onda zańsyz jumys istep júrgen jas emigrant áieldiń oqiǵasy, onyń ishki adami ósýi, analyq sezimi baiandalady.
