قىتايدىڭ فۋتسزيان پروۆينتسيياسىنىڭ سيامىن قالاسىندا ٶتٸپ جاتقان «Golden rooster and hundred flowers» 28-فەستيۆالٸندە «ايكا» فيلمٸ ەكٸ جٷلدەگە يە بولدى, دەپ حابارلايدى «ۇلت اقپارات».
سونداي-اق, كينوفەستيۆال شەڭبەرٸندە جاڭابەك جەتٸرۋوۆتىڭ «شىڭىراۋ» فيلمٸنٸڭ كٶرسەتٸلٸمٸ ٶتتٸ. بۇل تۋرالى پروديۋسەر زارينا كيسيكوۆا Facebook-تەگٸ پاراقشاسىندا جازدى.
«كەشە «Golden rooster and hundred flowers» كينفەستيۆالٸندە جاڭابەك جەتٸرۋوۆتىڭ «شىڭىراۋ» فيلمٸ كٶرسەتٸلٸپ, ونى تاماشالاعان كٶرەرمەندەرمەن كەزدەسۋ ٶتكٸزٸلدٸ. فيلم كٶرەرمەن مەن ديستريبيۋتورلاردىڭ قىزىعۋشىلىعىن تۋدىردى. كينوتۋىندى قىتاي بيلٸگٸنٸڭ رۇقساتىن الىپ سول ەلدەگٸ پروكاتقا شىعادى دەپ ٷمٸتتەنەمٸز. الدا كٶپتەگەن ايدىڭ جۇمىسى تۇر. سونىمەن قاتار, «ايكا» فيلمٸ كينوفەستيۆالدە Best leading actress by Audience Award جەنە Best foreign director by Audience Award جٷلدەسٸن يەلەندٸ, سەرگەي دۆورتسەۆويدى (رەسەيلٸك رەجيسسەر-اۆت) قۇتتىقتايمىن» دەپ اتاپ ٶتتٸ زارينا كيسيكوۆا.
«Golden rooster and hundred flowers» فەستيۆالٸ- قىتايداعى ٸرٸ كينوجٷلدە. بايقاۋدىڭ «التىن ەتەش» مٷسٸنشەسٸن كەسٸبي قازىلار تاپسىرادى, ال «جٷز گٷل» جٷلدەسٸنٸڭ يەگەرٸ كٶرەرمەندەردٸڭ داۋىس بەرۋٸمەن انىقتالادى.
ايتا كەتسەك, «ايكا» فيلم قازاقستان رەسپۋبليكاسى اتىنان امەريكانىڭ كينواكادەميياسىنىڭ «وسكار» سىيلىعىنا ۇسىنىلعان بولاتىن. فيلمدە باستى رٶلدٸ حالىقارالىق كانن-2018 كينوفەستيۆالٸندە «ٷزدٸك ەيەل رٶلٸ ٷشٸن» جٷلدەسٸنە يە بولعان قازاقستاندىق اكتريسا سامال ەسلياموۆا سومدايدى.
فيلمدە قىرعىزستاننان مەسكەۋگە كەلٸپ, وندا زاڭسىز جۇمىس ٸستەپ جٷرگەن جاس ەميگرانت ەيەلدٸڭ وقيعاسى, ونىڭ ٸشكٸ ادامي ٶسۋٸ, انالىق سەزٸمٸ باياندالادى.
