Memleket basshysynyń jarlyǵymen Aigúl Quspan Qazaqstan Respýblikasynyń Belgiia Koroldigindegi tótenshe jáne ókiletti elshisi qyzmetine taǵaiyndaldy, dep habarlady "Ult aqparat" Aqordanyń baspasóz qyzmetine silteme jasap.
"Memleket basshysynyń Jarlyǵymen Almas Nasreddinuly Hamzaev Qazaqstan Respýblikasynyń Belgiia Koroldigindegi Tótenshe jáne Ókiletti Elshisi qyzmetinen, Qazaqstan Respýblikasynyń Liýksembýrg Uly Gertsogtigindegi Tótenshe jáne Ókiletti Elshisi, Eýropa Odaǵynyń janyndaǵy jáne Soltústik Atlant Sharty uiymyndaǵy (NATO) Qazaqstan Respýblikasy Ókildiginiń Basshysy qyzmetin qosa atqarýdan bosatyldy" delingen habarlamada.
Aita ketsek, Aigúl Quspan buǵan deiin Qazaqstannyń Frantsiia, Avstriia jáne Litvadaǵy elshilikterinde jumys istegen. QR Syrtqy ister ministrliginiń Eýropa departamentin basqarǵan.
