Jańa senator Shymkent qalasynyń atynan sailanyp otyr, dep habarlaidy "Ult aqparat" Ortalyq sailaý komissiiasyna silteme jasap.
Ortalyq sailaý komissiiasy Shymkent qalasynan Parlament Senatynyń shyǵyp qalǵan depýtatynyń ornyna 2019 jylǵy 24 maýsymda bolǵan sailaýdyń qorytyndylaryn jariialady.
«Shymkent qalasynan Qazaqstan Respýblikasy Parlamenti Senatynyń shyǵyp qalǵan depýtatynyń ornyna sailaýdyń mynadai qorytyndylary belgilensin: Ramilia Rafkatovna Iskanderovaǵa 2 daýys nemese daýys berýge qatysqan tańdaýshylar daýystarynyń 7,5 paiyzy berildi. Aigúl Jarylqasynqyzy Qapbarovaǵa 23 daýys nemese daýys berýge qatysqan tańdaýshylar daýystarynyń 85,0 paiyzy, al Álisher Gapirjanovich Satvaldievke 2 daýys nemese daýys berýge qatysqan tańdaýshylar daýystarynyń 7,5 paiyzy berildi», - delingen OSK saityndaǵy habarlamada.
Osylaisha, Qazaqstan Respýblikasy Parlamenti Senatynyń depýtaty retinde kóp daýys jinaǵan Aigúl Qapbarova sailanyp, oǵan belgilengen úlgidegi kýálik pen omyraýǵa taǵatyn belgi tapsyrý týraly qaýly shyǵaryldy.
