جاڭا سەناتور شىمكەنت قالاسىنىڭ اتىنان سايلانىپ وتىر, دەپ حابارلايدى "ۇلت اقپارات" ورتالىق سايلاۋ كوميسسيياسىنا سٸلتەمە جاساپ.
ورتالىق سايلاۋ كوميسسيياسى شىمكەنت قالاسىنان پارلامەنت سەناتىنىڭ شىعىپ قالعان دەپۋتاتىنىڭ ورنىنا 2019 جىلعى 24 ماۋسىمدا بولعان سايلاۋدىڭ قورىتىندىلارىن جارييالادى.
«شىمكەنت قالاسىنان قازاقستان رەسپۋبليكاسى پارلامەنتٸ سەناتىنىڭ شىعىپ قالعان دەپۋتاتىنىڭ ورنىنا سايلاۋدىڭ مىناداي قورىتىندىلارى بەلگٸلەنسٸن: راميليا رافكاتوۆنا يسكاندەروۆاعا 2 داۋىس نەمەسە داۋىس بەرۋگە قاتىسقان تاڭداۋشىلار داۋىستارىنىڭ 7,5 پايىزى بەرٸلدٸ. ايگٷل جارىلقاسىنقىزى قاپباروۆاعا 23 داۋىس نەمەسە داۋىس بەرۋگە قاتىسقان تاڭداۋشىلار داۋىستارىنىڭ 85,0 پايىزى, ال ەلٸشەر گاپيرجانوۆيچ ساتۆالديەۆكە 2 داۋىس نەمەسە داۋىس بەرۋگە قاتىسقان تاڭداۋشىلار داۋىستارىنىڭ 7,5 پايىزى بەرٸلدٸ», - دەلٸنگەن وسك سايتىنداعى حابارلامادا.
وسىلايشا, قازاقستان رەسپۋبليكاسى پارلامەنتٸ سەناتىنىڭ دەپۋتاتى رەتٸندە كٶپ داۋىس جيناعان ايگٷل قاپباروۆا سايلانىپ, وعان بەلگٸلەنگەن ٷلگٸدەگٸ كۋەلٸك پەن ومىراۋعا تاعاتىن بەلگٸ تاپسىرۋ تۋرالى قاۋلى شىعارىلدى.
