Petitsiia qaraý jónindegi jumys tobynyń otyrysynda ýtilsbor, óndiris, qazaq balalarynyń oǵan beiimdeý týraly aityldy. Jiynǵa qatysýshv Allur kompaniiasynyń bilim men ǵylymdy damytý jónindegi keńesshisi Aigúl Ahmetova qazirgi bilim salasyndaǵy eń kúrdeli máselelerdi sóz etti.
«Men kótereiin degen másele — bilim salasy, bilim sapasy. Sizder Ózbekstan, Koreiany aityp otsyzdar. Men jaqynda Koreiaǵa baryp keldim. 30 jyl ishinde lokolizatsiia tolyq bolsa, olar bilim salasyn birinshi kúnnen damytqan. Men ózim Sátbaev, Ahmet Baitursynov atyndaǵy ýniversitette jumys isteimin. Bilim salasy óndiristiń qajettiliginen óte alys. Sony eshkim kótermeidi. Jalpy aqsha, qarajat, salyq dep jatyrmyz. Men de qarapaiym qazaq qyzymyn, men de halyqty oilaimyn. Bazarda júrgen qazaq balalaryn kórsem, júregim aýyrady. Injenerlik sózdik jatyr ǵoi, bireýin alyp qaramadyńyzdar.Osynyń barlyǵy qazaqsha bolsa, injenerlik tehnika tili de túsinikti bolady. Álihan Bókeihanov osydan júz jyl buryn aityp ketken «Soqasyz, shalǵysyz qazaq bolmaidy. Barlyǵyńyz birigip, zavod ashyńyzdar» degen. Endi jaqsy-jaman bolsa da zavodymyz bar ǵoi. Biraq nege óskeleń urpaqty soǵan qarai beiimdemeimiz? Nege sizder aqshany ǵana aitasyzdar? Nege ministrlik ókilderi kapitaldy aitpaidy? Osy saiasatty qolǵa alý kerek qoi», — dedi Aigúl Ahmetova.
