پەتيتسييا قاراۋ جٶنٸندەگٸ جۇمىس توبىنىڭ وتىرىسىندا ۋتيلسبور, ٶندٸرٸس, قازاق بالالارىنىڭ وعان بەيٸمدەۋ تۋرالى ايتىلدى. جيىنعا قاتىسۋشۆ Allur كومپانيياسىنىڭ بٸلٸم مەن عىلىمدى دامىتۋ جٶنٸندەگٸ كەڭەسشٸسٸ ايگٷل احمەتوۆا قازٸرگٸ بٸلٸم سالاسىنداعى ەڭ كٷردەلٸ مەسەلەلەردٸ سٶز ەتتٸ.
«مەن كٶتەرەيٸن دەگەن مەسەلە — بٸلٸم سالاسى, بٸلٸم ساپاسى. سٸزدەر ٶزبەكستان, كورەيانى ايتىپ وتسىزدار. مەن جاقىندا كورەياعا بارىپ كەلدٸم. 30 جىل ٸشٸندە لوكوليزاتسييا تولىق بولسا, ولار بٸلٸم سالاسىن بٸرٸنشٸ كٷننەن دامىتقان. مەن ٶزٸم سەتباەۆ, احمەت بايتۇرسىنوۆ اتىنداعى ۋنيۆەرسيتەتتە جۇمىس ٸستەيمٸن. بٸلٸم سالاسى ٶندٸرٸستٸڭ قاجەتتٸلٸگٸنەن ٶتە الىس. سونى ەشكٸم كٶتەرمەيدٸ. جالپى اقشا, قاراجات, سالىق دەپ جاتىرمىز. مەن دە قاراپايىم قازاق قىزىمىن, مەن دە حالىقتى ويلايمىن. بازاردا جٷرگەن قازاق بالالارىن كٶرسەم, جٷرەگٸم اۋىرادى. ينجەنەرلٸك سٶزدٸك جاتىر عوي, بٸرەۋٸن الىپ قارامادىڭىزدار.وسىنىڭ بارلىعى قازاقشا بولسا, ينجەنەرلٸك تەحنيكا تٸلٸ دە تٷسٸنٸكتٸ بولادى. ەليحان بٶكەيحانوۆ وسىدان جٷز جىل بۇرىن ايتىپ كەتكەن «سوقاسىز, شالعىسىز قازاق بولمايدى. بارلىعىڭىز بٸرٸگٸپ, زاۆود اشىڭىزدار» دەگەن. ەندٸ جاقسى-جامان بولسا دا زاۆودىمىز بار عوي. بٸراق نەگە ٶسكەلەڭ ۇرپاقتى سوعان قاراي بەيٸمدەمەيمٸز? نەگە سٸزدەر اقشانى عانا ايتاسىزدار? نەگە مينيسترلٸك ٶكٸلدەرٸ كاپيتالدى ايتپايدى? وسى ساياساتتى قولعا الۋ كەرەك قوي», — دەدٸ ايگٷل احمەتوۆا.
