Foto: zillow.com
«Úide jalǵyz qalǵanda» filmindegi MakKallister otbasynyń úii satylymǵa shyǵaryldy. Jańa jyldyq merekede balalardyń ǵana emes, úlkenderdiń de súiikti kinosyna ainalǵan týyndydaǵy úi týraly aqparat kim-kimniń bolmasyn qyzyǵýshylyǵyn týdyratyny anyq, dep habarlaidy «Ult aqparat» Kazinform-ǵa silteme jasap.
Chikago mańyndaǵy aýylda ornalasqan ekiqabatty shatyrly úi 5,25 million dollarǵa baǵalanyp otyr. Jarnama Zillow saitynda jariialanǵan.
Aýdany 848 sharshy metrdi quraityn sarai 2018 jyly zamanaýi úlgide jóndeýden ótken.
Burynǵy qojaiyndar kýltke ainalǵan filmdegi dúnielerdi saqtap qalýǵa tyrysqan.
«Ádemi foie, kireberis baspaldaqtary, qonaq bólme jáne as bólmeleriniń pishini men qurylymy is júzinde ózgergen joq», - delingen lottyń sipattamasynda.
Úide úlken as bólme, qoima, kúnniń nury túsetin otbasylyq bólme, kamini bar ekrandy kireberis, sport zaly, kinoteatr jáne zamanaýi qurylǵylarmen jabdyqtalǵan kóptegen bólmeler bar eken.
Tóbeniń biiktigi shamamen 3,2 metrge jetedi. Rezidentsiiada kútimi jaqsy baq bar.
Sarai temir qaqpalarmen qorshalǵan.
Úi 1921 jyly salynǵan. Osy ýaqyt ishinde saraidyń tórt iesi boldy.
Úi sońǵy ret 2012 jyly 1,58 million dollarǵa satylǵan.
.jpg)