ەيگٸلٸ «ٷيدە جالعىز قالعاندا» فيلمٸ تٷسٸرٸلگەن ٷي ساتىلىمعا شىقتى

فوتو: zillow.com

«ٷيدە جالعىز قالعاندا» فيلمٸندەگٸ ماككالليستەر وتباسىنىڭ ٷيٸ ساتىلىمعا شىعارىلدى. جاڭا جىلدىق مەرەكەدە بالالاردىڭ عانا ەمەس, ٷلكەندەردٸڭ دە سٷيٸكتٸ كينوسىنا اينالعان تۋىندىداعى ٷي تۋرالى اقپارات كٸم-كٸمنٸڭ بولماسىن قىزىعۋشىلىعىن تۋدىراتىنى انىق, دەپ حابارلايدى «ۇلت اقپارات» Kazinform-عا سٸلتەمە جاساپ.

چيكاگو ماڭىنداعى اۋىلدا ورنالاسقان ەكٸقاباتتى شاتىرلى ٷي 5,25 ميلليون دوللارعا باعالانىپ وتىر. جارناما Zillow سايتىندا جارييالانعان.

اۋدانى 848 شارشى مەتردٸ قۇرايتىن ساراي 2018 جىلى زاماناۋي ٷلگٸدە جٶندەۋدەن ٶتكەن. 

بۇرىنعى قوجايىندار كۋلتكە اينالعان فيلمدەگٸ دٷنيەلەردٸ ساقتاپ قالۋعا تىرىسقان.

«ەدەمٸ فويە, كٸرەبەرٸس باسپالداقتارى, قوناق بٶلمە جەنە اس بٶلمەلەرٸنٸڭ پٸشٸنٸ مەن قۇرىلىمى ٸس جٷزٸندە ٶزگەرگەن جوق», - دەلٸنگەن لوتتىڭ سيپاتتاماسىندا.

ٷيدە ٷلكەن اس بٶلمە, قويما, كٷننٸڭ نۇرى تٷسەتٸن وتباسىلىق بٶلمە, كامينٸ بار ەكراندى كٸرەبەرٸس, سپورت زالى, كينوتەاتر جەنە زاماناۋي قۇرىلعىلارمەن جابدىقتالعان كٶپتەگەن بٶلمەلەر بار ەكەن. 

تٶبەنٸڭ بيٸكتٸگٸ شامامەن 3,2 مەترگە جەتەدٸ. رەزيدەنتسييادا كٷتٸمٸ جاقسى باق بار.

ساراي تەمٸر قاقپالارمەن قورشالعان.

ٷي 1921 جىلى سالىنعان. وسى ۋاقىت ٸشٸندە سارايدىڭ تٶرت يەسٸ بولدى.

ٷي سوڭعى رەت 2012 جىلى 1,58 ميلليون دوللارعا ساتىلعان.