Búgin orys halqynyń tanymal jazýshysy, satirik Mihail Zadornovtyń qaitys bolǵany belgili boldy, - dep habarlaidy ria.ru telejúrgizýshi Regina Dýbovitskaiaǵa silteme jasap.
"Iá, ras, Mihail Nikolaiuly qaitys boldy. Basqa eshteńe aita almaimyn, kútpegen jaǵdai", - dep keltiredi onyń sózin "Máskeý" qalalyq jańalyqtar agenttigi.
Jazýshynyń ólimi týraly derekti SSSR halq ártisi, Gosdýma depýtaty Iosif Kobzon da rastady. Onyń aitýynsha, Mihail dertinen múlde aiyǵa almas edi, óitkeni bas miynyń qos jartyshary zaqymdanǵan.
"Keshe keshke taman ol ómirden ótti. Óte ókinishti. Ol - taza daýys-tyn, eshqandai saiasatsyz. Mundai jandardyń ómirden erte ketetini qaiǵyly, árine", - deidi ánshi.
BAQ málimetinshe, Zadornovtyń jasy 70-te bolǵan. Kóp jyldar boiy satirik onkologiialyq aýrýmen kúresip júrgen.
Reseilik BAQ málimetinshe, 2016 jyly tanymal ártiske mi obyryna shaldyqty degen diagnoz qoiǵan. Satiriktiń aýrýy emdelmeitini anyqtalǵan. Basynda Zadornov Reseide emdelgen, keiin Germaniiaǵa ketken.
Mihail Zadornov 1948 jyly 21 maýsymda Iýrmalada dúniege kelgen. Ol Resei jaýshylar odaǵynyń múshesi boldy. Onnan asa kitaptyń avtory.
