Oralda er adam týǵan qyzyn zorlap kelgen. Qolǵa túsken pedofil ony áielimen shatastyryp alǵanyn aityp aqtaldy.
"Jynystyq zorlyq-zombylyq 30%-ke ósti. Jaqynda biz kámeletke tolmaǵan balaǵa qatysty qylmystyq isti tirkedik. Týǵan ákesi qyzyn uzaq ýaqyt boiy zorlap kelgen. Áielimmen shatastyryp aldym deidi", - dep málimdedi Oral qalasy iývenaldy politsiianyń aǵa inspektory Mádina Quspanova.
Sondai-aq taǵy bir jaǵdai anyqtaldy: kópbala otbasynan shyqqan qyz týǵan anasy men ógei ákesinen eki jyl boiy qorlyq kórgenin moiyndady. Jasóspirim shydamy taýsylyp, úiden ketip qalǵan. Politseiler balany tapqanda, ol úiine barýdan úzildi-kesildi bas tartty. Balalar úiine jiberýdi surady, áitpese óz-ózine qol salatynyn aitty.
"Anam "eger qalasań, ól" deitin. Bir kúni shynymen ólgim keldi, biraq ózime qol sala almadym. Tek jylaimyn, boldy", - deidi jasóspirim qyz.
Bul otbasyny politseiler baqylaidy.
Biyl Oralda kámeletke tolmaǵandarǵa kómektesetin psihologiialyq kómek qyzmeti ashyldy. Psihologtardyń aitýynsha, balalarǵa, tipti, eń jaqyn týystary da járdemdespeidi.
Adam tózgisiz jaǵdaidan sharshaǵan olar úiden qashady nemese sýitsidke barady. Eger byltyr oblysta bir sýitsid tirkelse, biyl 15 bala óz-ózine qol salmaq boldy. Eki jasóspirim kóz jumdy.
