Aidos Erbosynulynyń (16-1, 11 KO) kýbalyq David Morreldiń (8-0, 7 KO) soqqylarynan zardap shegýi bapkerler kinásinen boldy. Vesti.kz tilshisine bergen suhbatynda Notifight.com sholýshysy Liýdo Saens osyndai pikir bildirdi.
"Sanattaǵy aiyrmashylyq, fizikalyq parametrler Aidostyń paidasynda emes edi. Qazaqstandyq anderdog esebinde boldy. Jalǵyz basymdyǵy osy edi. Osyny bile tura onyń komandasy jospar qurmady. Ringte óz ornyn jaqsy biletin Morrelge qarsy ol eshteńe daiyndamaǵany kórinip turdy. Erbosynuly - naǵyz jaýynger. Onyń erik-jigeri myqty eken. Ol sońyna deiin shydady. Bir jaqty taiaq jegeni onyń kinásinen bolǵan joq. Bapker únemi baqylap otyryp, jekpe-jekti qashan toqtatý keregin biledi. Bul jerde qazaqstandyqtyń bapkeri osy sátti jiberip aldy. Endi mańyzdysy densaýlyqqa ziian kelmeýi. Aidos ózin bir ai, jarty jyl, jyl óte qalai sezinetinin aitý qiyn.
Sonymen qosa, tóreshiler jumysyna qatysty da aityp ótkim keledi. Jekpe-jek bir jaqty ótip jatqanyn kóre tura, al boksshy ózin túsiniksiz sezinip tursa, jekpe-jekti toqtatý qajet. Adamnyń ómiri qymbat", - deidi Saens.
Eske salaiyq, qazaqstandyq Aidos Erbosynuly (16-1, 11 KO) sýper orta salmaqta (76,2 kelige deiin) kýbalyq Devid Morrelmen (8-0, 7 KO) judyryqtasyp, 12-raýndta aýyr nokaýtqa túsken edi.
