ايدوس ەربوسىنۇلىنىڭ (16-1, 11 كو) كۋبالىق داۆيد موررەلدٸڭ (8-0, 7 كو) سوققىلارىنان زارداپ شەگۋٸ باپكەرلەر كٸنەسٸنەن بولدى. Vesti.kz تٸلشٸسٸنە بەرگەن سۇحباتىندا Notifight.com شولۋشىسى ليۋدو ساەنس وسىنداي پٸكٸر بٸلدٸردٸ.
"ساناتتاعى ايىرماشىلىق, فيزيكالىق پارامەترلەر ايدوستىڭ پايداسىندا ەمەس ەدٸ. قازاقستاندىق اندەردوگ ەسەبٸندە بولدى. جالعىز باسىمدىعى وسى ەدٸ. وسىنى بٸلە تۇرا ونىڭ كومانداسى جوسپار قۇرمادى. رينگتە ٶز ورنىن جاقسى بٸلەتٸن موررەلگە قارسى ول ەشتەڭە دايىنداماعانى كٶرٸنٸپ تۇردى. ەربوسىنۇلى - ناعىز جاۋىنگەر. ونىڭ ەرٸك-جٸگەرٸ مىقتى ەكەن. ول سوڭىنا دەيٸن شىدادى. بٸر جاقتى تاياق جەگەنٸ ونىڭ كٸنەسٸنەن بولعان جوق. باپكەر ٷنەمٸ باقىلاپ وتىرىپ, جەكپە-جەكتٸ قاشان توقتاتۋ كەرەگٸن بٸلەدٸ. بۇل جەردە قازاقستاندىقتىڭ باپكەرٸ وسى سەتتٸ جٸبەرٸپ الدى. ەندٸ ماڭىزدىسى دەنساۋلىققا زييان كەلمەۋٸ. ايدوس ٶزٸن بٸر اي, جارتى جىل, جىل ٶتە قالاي سەزٸنەتٸنٸن ايتۋ قيىن.
سونىمەن قوسا, تٶرەشٸلەر جۇمىسىنا قاتىستى دا ايتىپ ٶتكٸم كەلەدٸ. جەكپە-جەك بٸر جاقتى ٶتٸپ جاتقانىن كٶرە تۇرا, ال بوكسشى ٶزٸن تٷسٸنٸكسٸز سەزٸنٸپ تۇرسا, جەكپە-جەكتٸ توقتاتۋ قاجەت. ادامنىڭ ٶمٸرٸ قىمبات", - دەيدٸ ساەنس.
ەسكە سالايىق, قازاقستاندىق ايدوس ەربوسىنۇلى (16-1, 11 كو) سۋپەر ورتا سالماقتا (76,2 كەلٸگە دەيٸن) كۋبالىق دەۆيد موررەلمەن (8-0, 7 كو) جۇدىرىقتاسىپ, 12-راۋندتا اۋىر نوكاۋتقا تٷسكەن ەدٸ.
