Májilis depýtaty Aidos Sarym teńge baǵamyna qatysty pikir bildirdi, dep habarlaidy QazAqparat.
«Men ekonomist emespin, biraq baǵamnyń qubylmalyǵy týyndaǵan jaǵdaida turǵanymyz túsinikti. Eger jaǵdai kúrt nasharlasa, onda teńgege qatysty ahýal qiyn bolatyny anyq», - dedi A. Sarym Májilistyń jalpy otyrysynan keiin tilshiler saýalyna jaýap bere otyryp.
Osy oraida ol Qazaqstan men Resei ekonomikalary óte tyǵyz ózara bailanysty ekenin eske saldy.
«Kórshiles el bolǵannan keiin bizdiń ekonomikalyq qarym-qatynasymyz bar. Onda 1 mln qazaq, al bizde 3 mln orys turyp jatyr. Sonymen qatar birlesken kásiporyndar jumys isteýde jáne importtyń eleýli kólemi qamtylǵan», - dedi depýtat.
Onyń paiymynsha, jalpy, bolyp jatqan jaǵdaida táýekeldi azaitýǵa tyrysa alamyz, alaida onyń barlyǵyn bir sátte retke keltire alatyn tetik joq.
«Biilikti synaýshylardyń ózderi bul jaǵdaida tiimdi 10 nemese 3 sheshimdi usyna almaidy. Ókinishke qarai, bul fors-major jaǵdai», - dedi Aidos Sarym.
