Ekinshi orta salmaqta judyryqtasatyn qazaqstandyq boksshy Aidos Erbosynuly komadan shyqqannan keiin Instagram jelisinde jazba qaldyrdy, dep habarlaidy "Ult aqparat".
Boksshy kelgen habarlamalardyń skrinshottaryn jariialap, alańdap, qoldaý bildirgen otandastaryna alǵysyn jetkizdi.
"Osyǵan uqsas sms-ter kóp kelgen eken, barsha qoldap jatqan halqyma raqmet. Alla qalasa myqty bolyp oralarym sózsiz. Alla jazsa alar asýymyz áli alda", - dep jazdy Erbosynuly.
Eske salaiyq, 6 qarashada qazaqstandyq boksshy kýbalyq David Morrelden nokaýtpen jeńilgen bolatyn. Sýperorta salmaq sanatyndaǵy jekpe-jek WBA-diń "turaqty" álem chempiony ataǵy úshin ótti. Aiqastan keiin ol shuǵyl túrde Minneapolis qalasyndaǵy aýrýhanalardyń birine jetkizildi. Oǵan "miyna qan ketý" diagnozy qoiyldy. Odan keiin jasandy túrde komaǵa jiberilip, ota jasaldy.
