Elimizde aldaǵy úsh kúnde aiazdyń beti qaitady, degenmen 10 aqpanda kei óńirlerde burqasyn bolady, dep habarlady Sputnik Qazaqstanǵa "Qazgidromet" injener-sinoptigi Laýra Sailybaeva.
"Elimizdegi aýa raiyn anyqtaityn aýqymdy antitsiklon aqyryndap Batys Sibirge shegine bastady, onymen birge aiaz da qaityp jatyr. Aldaǵy eki táýlikte Qazaqstannyń kóptegen oblysynda aýa raiy jaýyn-shashynsyz bolady. Alaida 10 aqpanda soltústik-batys, soltústik jáne ortalyq oblystardyń kei jerlerinde qar jaýyp, burqasyndatady, kúshti jel soǵady dep boljanýda", — deidi Sailybaeva.
Al búgin atmosferalyq fronttardyń ótýine bailanysty Qazaqstannyń basym bóliginde aýa raiy jaýyn-shashyndy bolady, tek batysta, ońtústik-shyǵysta kún ashyq.
Jambyl oblysynyń kei jerlerinde tuman túsip, kóktaiǵaq bolady, jel kúsheiedi – 15-20 m/s, tańerteń jáne kúndiz ekpini 23-28 m/s jetýi múmkin.Qaraǵandy, Aqmola oblystarynyń kei jerlerinde tuman túsip, kóktaiǵaq, burqasyn bolyp, jel kúsheiedi – 15-20 m/s.Qyzylorda, Soltústik Qazaqstan, Qostanai oblystarynyń kei jerlerinde tuman, kóktaiǵaq bolyp, 15-20 m/s jyldamdyqpen jel soǵady.Shyǵys Qazaqstan oblysynda túnde jáne tańerteń kei jerlerde tuman, kóktaiǵaq bolady, kúndiz kei jerlerde jeldiń kúshi 15-20 m/s jetedi.Ońtústik Qazaqstan oblysynyń kei jerinde tuman túsedi, tańerteń jáne kúndiz jel 15-20 m/s kúsheiedi.Pavlodar oblysynyń kei jerlerinde jel kúsheiedi – 15-20 m/s, kúndiz kei jerlerinde kóktaiǵaq bolady.Mańǵystaý oblysynyń kei jerlerinde tuman túsedi, kúndiz jel 15-20 m/s kúsheiedi.Atyraý, Batys Qazaqstan, túnde Almaty oblystarynda tuman túsedi dep boljanyp otyr.
