Sinoptikter 16-18 qarashaǵa arnalǵan aýa raiy boljamyn jariialady, - dep habarlaidy "Ult aqparat".
Sinoptikterdiń málimetinshe, respýblikanyń basym bóliginde aýa raiyna soltústik-batys antitsiklon áser etip, onymen jaýyn-shashynnyń qysqa merzimdi toqtaýy jáne temperatýranyń tómendeýi kútiledi. Kezeńniń sońynda frontaldy bólikterdiń ótýimen eldiń basym bóliginde jaýyn-shashyn, soltústikte qar, respýblikanyń ońtústigi men batysynda jańbyr men qar túrinde jaýady.
"Respýblika boiynsha jel sekýndyna 15-23 metrge deiin jetedi, soltústikte kóktaiǵaq, shyǵysta tuman, burqasyn kútiledi. Soltústikte, shyǵysta jáne ortalyqta túnde aýa temperatýrasy 8-22 gradýsqa deiin tómendep, aiaz bolady", - delingen habarlamada.
