Bishkektegi "Asanbai" shaǵyn aýdanynda Mercedes Benz júrgizýshisi áiel turǵan aialdamaǵa soǵyldy.
Sputnik Qyrǵyzstan agenttiginiń habarlaýynsha, jol apaty 9 sáýir kúni shamamen saǵat 6.00-de bolǵan. Baqylaý kamerasyndaǵy jazbada jol qiylysynda shaǵyn avtobýs shyǵa kelip, kilt toqtaǵany kórinedi. Qatty jyldamdyqpen kelgen Mercedes júrgizýshisi ony oraǵytyp ótpek bolady, alaida rólge ie bola almai, avtokólik aialdamaǵa soǵylǵan.
Qyrǵyzstan IID jol qozǵalysy qaýipsizdigin qamtamasyz etý bas basqarmasynyń baspasóz qyzmeti kólik qaqqan áiel jan tapsyrǵanyn habarlady.
"25 jastaǵy er adam rólge ie bola almai, áiel turǵan aialdamaǵa soǵylǵan. Ol alǵan jaraqatynan sol jerde kóz jumdy. Sonymen qatar, aialdama qirady", — dep atap ótti vedomstvo.
Barlyq material Oktiabr AIIB tergeý bólimine joldandy. Militsiia sondai-aq apatqa birneshe sekýnd qalǵanda jol qiylysyna shyqqan baǵdardaǵy shaǵyn avtobýstyń júrgizýshisin izdep jatyr.
