Aiagózde apattan zardap shekkenderge qarjylai kómek kórsetý maqsatynda arnaiy esepshot ashyldy, dep habarlaidy "Ult aqparat".
Aýdandyq ákimdik, «Nur Otan» partiiasynyń jergilikti filialy jáne aýdandyq máslihat ókilderi Aiagóz aýdanyndaǵy jaǵdaiǵa bailanysty Úndeý jariialady.
«Apat aityp kelmeidi. Oilamaǵan jerden zardapqa ushyraǵandar qatarynda bireýlerińizdiń týystaryńyz, bireýlerińizdiń tanystaryńyz ben aralas aǵaiyndaryńyz bar. Eń bastysy, adam shyǵyny joq. Qazirgi ýaqytta tótenshe jaǵdaidyń saldaryn joiý boiynsha jumystar júrgizilýde. Qaiyrymdylyqtyń qaiyrly is ekenin túsingen aýdan turǵyndary múmkindiginshe kiim-keshek, azyq-túlikpen qoldaý kórsetýde. Jumys toby qurylyp arnaiy komissiia qyzmetin bastap ta ketti. Árqashan qandai da bolsyn qiyndyqqa dýshar bolǵan adamǵa kómek berý - azamattyq paryz dep esepteledi. Sol sebepti múmkindigimizshe otandastarymyzdy jelep-jebeý maqsatynda tabiǵattyń dúlei apatynan zardap shekkenderge materialdyq jáne moraldyq kómek berýge shaqyramyz» - delingen Úndeýde.
Shottyń rekvizitteri:
OF "Aiagóz Bolashaq"
BIN 110740000641
BIK KZKOKZKX
KBE 18 Aǵymdaǵy esep shot KZ279260301178000004 KZT "Kazkommertsbank" AQ bólimshesi.
Aita keteiik, Aiagóz aýdanyndaǵy apattyń shyǵynyn arnaiy komissiia eseptep jatyr.
