ShQO politseileri karantin talaptaryn buzyp, úilený toiy men basqa da otbasylyq is-sharalardy uiymdastyryp júrgenderdi anyqtaý úshin reidke shyǵyp júr, dep habarlaidy Altaynews.
Shyǵys Qazaqstan oblysynyń bas memlekettik sanitariialyq dárigeriniń 16 tamyzdaǵy qaýlysyna sáikes úlken toi-jiyndar ótkizýge tyiym salynǵan.
Osyndai reidtiń birinde tamyzdyń sońǵy demalys kúnderi Aiagóz aýdandyq politsiia bóliminiń qyzmetkerleri qaladaǵy meiramhananyń birinde toi jasap jatqandardyń ústinen tústi. Shaqyrylǵan qonaqtar toihanaǵa «artqy» esikten kirgizilip, kólikter meiramhananyń arty men kórshi aýlaǵa qoiylǵan.
Osyǵan uqsas jaǵdai Besqaraǵai aýdanynda da tirkeldi. Onda jergilikti turǵyn báige uiymdastyrǵan..
«Karantin rejimin buzýshylardy ákimshilik jaýapkershilikke tartý úshin barlyq faktiler men materialdar Taýarlar men qyzmetterdiń sapasyn baqylaý jáne qaýipsizdigin baqylaý departamentine jiberildi», - deidi ShQO Politsiia departamentiniń bastyǵy Saǵat Mádiev.
