Premer-ministrdiń orynbasary – qarjy ministri Erulan Jamaýbaev jeńildetilgen avtokredit baǵdarlamasyna biýdjetten qosymsha aqsha bólý máselesine qatysty pikir bildirdi, dep habarlaidy Sputnik Qazaqstan agenttigi.
Buǵan deiin indýstriia jáne infraqurylymdy damý vitse-ministri Marat Qarabaev jeńildetilgen avtokredit baǵdarlamasyna taǵy biýdjettik qarjy bólý máselesi qaralyp jatqanyn aitqan.
"Biz qazir myna 100 milliardtan basqa respýblikalyq biýdjetten qosymsha aqsha bólemiz be dep otyrmyz. Bizdiń qarjylyq-ekonomikalyq negizdememiz boiynsha 150 milliard bolyp tur. Ony jyl saiyn 30 milliardtan bólemiz degen oi bar. Biraq ol aqshany bere me, bermei me, ázirge belgisiz", - dedi Qarabaev.
Al qarjy ministri Erulan Jamaýbaev ondai ótinim áli túspegenin jetkizdi.
"Qazir respýblikalyq biýdjetten osy baǵdarlamaǵa bir tiyn da jumsalyp jatqan joq. Barlyǵy - burynǵy Operator ROP-ta jinalǵan aqsha. Sony buryp jatyrmyz. Al respýblikalyq biýdjetten qosymsha qarjy bólý týraly ótinim túsken joq", - dedi Jamaýbaev.
Aita keteri, osy aptanyń basynda Qazaqstanda jańa avtokredit baǵdarlamasy iske qosyldy. Biraq burynǵy baǵdarlama boiynsha jeńildetilgen kreditter de beriledi.
