© Sputnik / Vladislav Vodnev
Qazaqstan avtobiznes qaýymdastyǵynyń ókili Erbol Seipilov jeńildetilgen avtokredit baǵdarlmasy boiynsha Huyndai men Kia modelderin jetkizý merzimi týraly aitty, dep habarlaidy Sputnik Qazaqstan.
Resmi málimetke sáikes, búginde avtokredit baǵdarlamasy boiynsha Chevrolet kóp satylady. Odan keiin Huyndai, Jac, Kia men Lada tur.
Qazirgi kezde avtozaýyttar jospar boiynsha jumys isteidi, barynsha óndiris kólemin ulǵaitýǵa tyrysyp keledi.
Dilerlik ortalyqtarǵa apta saiyn kólik jetkiziledi. Búginde rezervte 8 myńdai kólik bar.
"Máselen, Huyndai zaýyty alǵashqy kúnderi avtosalondarǵa 1800 kólik jetkizen. Sonyń bárin birden brondap qoiǵan. Maýsym aiynda taǵy 2 500-den astam kólik jetkiziledi. Odan keiin shilde aiynan bastap ai saiyn 4 500-ten artyq Huyndai modeli bolady", - dedi Seipilov ortalyq kommýnikatsiialar qyzmetinde ótken brifingte.
Onyń aitýynsha, "SaryarqaAvtoProm" JShS kóliktiń 32 modelin shyǵarady. Sonyń ishinde Kia da bar.
"Alǵashqy kúnderi salondarda 4 000-nan astam kólik turǵan. Zaýytta taǵy 3 500-dei kólik bar. Maýsym aiynan bastap ai saiyn 6 000 kólik jetkiziletin bolady", - dep atap kórsetti Seipilov.
Aita keteri, avtokredit baǵdarlamasyna birqatar ózgeris engizildi. Atap aitqanda, endi shot-faktýrada VIN-kod kórsetýdiń qajeti joq.
Al KASKO-ny birden tólemeýge de bolady. Ony jyl saiyn ótep otyrýǵa múmkindik bar.
