Almaty ákimi Erbolat Dosaev qoǵamdyq kólik týraly aitty, - dep habarlaidy Tengrinews.kz agenttigi.
Almaly aýdanynyń turǵyndarymen kezdesýde qala turǵyndary Timiriazev kóshesi boiyndaǵy BRT jelilerin shetki oń jaq jolaqqa aýystyrmaýdy surady. Jaýap retinde Dosaev BRT jelilerin nege ózgertý josparlanyp otyrǵanyn túsindirdi.
"Men ony jaman dep aitpaimyn, óitkeni meni aiyptap jatyr, Dosaev BRT-ge salǵan tórt milliard teńgeni "joq" qylmaqshy dep. Biraq problemalar bar ekeni anyq. Bul týraly jobanyń bastamashylary da aityp jatyr. Joba bes jylda aiaqtalmaǵan. Mysaly, basty másele QazUÝ mańynda, sebebi ol jerde jaiaý júrginshiler ótkeli rettelmegen, bul kólik keptelisin týdyrady.
Sondyqtan problemalardy sheshý qajet: eger BRT iske qosylsa, onda tiisti aralyqtar bolýy kerek, jyljymaly quram bolýy kerek jáne t.b. Biraq búginde ol joq. Men ózim de júrdim, №32 avtobýspen BRT arqyly tómen tústim. Avtobýsty 33 minýt kúttim, sebebi tórt avtobýs shyqpaǵan. Bizde kólik qory joq eken. Sondyqtan, keler jyly máseleni qalai da sheship, qozǵalys aralyqtaryn qysqartý úshin qosymsha 300 jańa avtobýs pen 100 trolleibýs satyp alamyz", - dedi qala ákimi.
Onyń aitýynsha, BRT jelisiniń problemasy basqa dúniede. Dosaev avtobýspen kele jatyp jolǵa qansha ýaqyt ketkenin eseptegenin aitty.
"Men №32 avtobýs boiynsha qansha jol júrgenimizdi eseptep kórdim. Baiqasańyz, klassikalyq BRT tek Timiriazev – Baitursynovtan bastalyp, arnaiy jolaq ornalasqan jerge deiin jetedi. Al búgin avtobýstar júretin oń jaq jolaqta ár baǵdarshamda turyp qalamyz. Sondyqtan, problemalar bar, olardy birge sheshemiz. BRT boiynsha atqarylǵan jumysty eshkim joqqa shyǵarmaidy.
Meniń túsinýimshe, bul týraly aitqandardyń ózderi avtobýspen júrip kórmegen. Men olardyń da avtobýspen júrip, qalai ekenin bilgenin qalaimyn. Kez kelgen ýaqytta kórsin. Jeke kóliktiń terezesinen bári basqasha kórinedi eken. Sondyqtan, BRT-ti máselesin sheshemiz", - dep túiindedi sózin Erbolat Dosaev.
