الماتى ەكٸمٸ ەربولات دوساەۆ قوعامدىق كٶلٸك تۋرالى ايتتى, - دەپ حابارلايدى Tengrinews.kz اگەنتتٸگٸ.
المالى اۋدانىنىڭ تۇرعىندارىمەن كەزدەسۋدە قالا تۇرعىندارى تيميريازەۆ كٶشەسٸ بويىنداعى BRT جەلٸلەرٸن شەتكٸ وڭ جاق جولاققا اۋىستىرماۋدى سۇرادى. جاۋاپ رەتٸندە دوساەۆ BRT جەلٸلەرٸن نەگە ٶزگەرتۋ جوسپارلانىپ وتىرعانىن تٷسٸندٸردٸ.
"مەن ونى جامان دەپ ايتپايمىن, ٶيتكەنٸ مەنٸ ايىپتاپ جاتىر, دوساەۆ BRT-گە سالعان تٶرت ميلليارد تەڭگەنٸ "جوق" قىلماقشى دەپ. بٸراق پروبلەمالار بار ەكەنٸ انىق. بۇل تۋرالى جوبانىڭ باستاماشىلارى دا ايتىپ جاتىر. جوبا بەس جىلدا اياقتالماعان. مىسالى, باستى مەسەلە قازۇۋ ماڭىندا, سەبەبٸ ول جەردە جاياۋ جٷرگٸنشٸلەر ٶتكەلٸ رەتتەلمەگەن, بۇل كٶلٸك كەپتەلٸسٸن تۋدىرادى.
سوندىقتان پروبلەمالاردى شەشۋ قاجەت: ەگەر BRT ٸسكە قوسىلسا, وندا تيٸستٸ ارالىقتار بولۋى كەرەك, جىلجىمالى قۇرام بولۋى كەرەك جەنە ت.ب. بٸراق بٷگٸندە ول جوق. مەن ٶزٸم دە جٷردٸم, №32 اۆتوبۋسپەن BRT ارقىلى تٶمەن تٷستٸم. اۆتوبۋستى 33 مينۋت كٷتتٸم, سەبەبٸ تٶرت اۆتوبۋس شىقپاعان. بٸزدە كٶلٸك قورى جوق ەكەن. سوندىقتان, كەلەر جىلى مەسەلەنٸ قالاي دا شەشٸپ, قوزعالىس ارالىقتارىن قىسقارتۋ ٷشٸن قوسىمشا 300 جاڭا اۆتوبۋس پەن 100 تروللەيبۋس ساتىپ الامىز", - دەدٸ قالا ەكٸمٸ.
ونىڭ ايتۋىنشا, BRT جەلٸسٸنٸڭ پروبلەماسى باسقا دٷنيەدە. دوساەۆ اۆتوبۋسپەن كەلە جاتىپ جولعا قانشا ۋاقىت كەتكەنٸن ەسەپتەگەنٸن ايتتى.
"مەن №32 اۆتوبۋس بويىنشا قانشا جول جٷرگەنٸمٸزدٸ ەسەپتەپ كٶردٸم. بايقاساڭىز, كلاسسيكالىق BRT تەك تيميريازەۆ – بايتۇرسىنوۆتان باستالىپ, ارنايى جولاق ورنالاسقان جەرگە دەيٸن جەتەدٸ. ال بٷگٸن اۆتوبۋستار جٷرەتٸن وڭ جاق جولاقتا ەر باعدارشامدا تۇرىپ قالامىز. سوندىقتان, پروبلەمالار بار, ولاردى بٸرگە شەشەمٸز. BRT بويىنشا اتقارىلعان جۇمىستى ەشكٸم جوققا شىعارمايدى.
مەنٸڭ تٷسٸنۋٸمشە, بۇل تۋرالى ايتقانداردىڭ ٶزدەرٸ اۆتوبۋسپەن جٷرٸپ كٶرمەگەن. مەن ولاردىڭ دا اۆتوبۋسپەن جٷرٸپ, قالاي ەكەنٸن بٸلگەنٸن قالايمىن. كەز كەلگەن ۋاقىتتا كٶرسٸن. جەكە كٶلٸكتٸڭ تەرەزەسٸنەن بەرٸ باسقاشا كٶرٸنەدٸ ەكەن. سوندىقتان, BRT-تٸ مەسەلەسٸن شەشەمٸز", - دەپ تٷيٸندەدٸ سٶزٸن ەربولات دوساەۆ.
