Avtobýs apatynan qaza bolǵan 29 adamnyń esimi jariialandy, - dep habarlaidy "Ult aqparat".
Tótenshe jaǵdaidan qaza bolǵandardyń TIZIMI Ózbekstannyń Tótenshe jaǵdailar ministrliginiń saitynda jariialanyp otyr.
Aldyn ala jasalǵan tizimde 29 adam bar. Qaza bolǵandardyń barlyǵy - er adamdar, Namanǵan oblysynyń týmalary. Qaza bolǵandardyń úlkeni - 41 jasta, al kishisi - 19 jasta.
Eske salaiyq, osyǵan deiin Aqtóbede avtobýs órtenip, 52 adamnyń qaza tapqany jaily habarlanǵan bolatyn. Ikarus markaly avtobýstyń 18 qańtarda saǵat 10:30-da Aqtóbe oblysy Yrǵyz aýdanynda Samara - Shymkent tasjolynyń 1068 shaqyrymynda, Qalybai aýylynan 10 shaqyrym jerde órtengeni aitylǵan edi. Avtobýstyń ishinde 55 jolaýshy jáne eki júrgizýshi bolǵan. Onyń beseýi avtobýstan shyǵyp úlgergen. Keiin oqiǵa ornynan túsirilgen video men fotosýretter jariialandy.
