«Tour Down Under» jáne «Cadel Evans Great Ocean Road Race» jarystarynyń uiymdastyrýshylary COVID-19 pandemiiasyna bailanysty 2021 jyly ótetin básekelerden bas tartatyndyqtaryn málimdedi, dep habarlaidy Olympic.kz saity.
Ońtústik Avstraliiadaǵy uiymdastyrý komitetiniń atqarýshy direktory Hitaf Rashid Tour Down Under týrniriniń halyqaralyq aspektisin eń qiyn dep sanady. Rashid Avstraliianyń jalǵasyp jatqan shekaralaryn jabý máselesine toqtalyp, karantindi jarysty toqtatýdyń negizgi faktory retinde atady. «Santos Tour Down Under - bul álemdik velosport pen Avstraliianyń sport kúntizbesinde eń súiikti dodalarynyń biri. Biz bul sharanyń Ońtústik Avstraliia halqy úshin qanshalyqty mańyzdy ekenin bilemiz. Sondyqtan biz óz múmkindigimizdi paidalaný úshin barymyzdy saldyq. 400-den astam qatysýshysy bar halyqaralyq básekeni qalai uiymdastyrýdy sheshý biz úshin óte qiyn másele boldy. Ońtústik Avstraliiada halyqaralyq is-sharany ótkizýdiń sátti strategiiasyn quryp, múddeli taraptarmen, atap aitqanda, Densaýlyq saqtaý ministrligimen jáne Ońtústik Avstraliia politsiiasymen (SA Health) birlese jumys istedik. Alaida, karantin men halyqaralyq shekaranyń jabylýy 2020 jyldyń qiyn bolǵanyn dáleldedi. Osyǵan bailanysty, Santos Tour Down Under halyqaralyq jarystary 2021 jyly bolmaidy, biraq biz bárine UCI-diń tolyq qoldaýymen Ońtústik Avstraliiaǵa oralyp, 2022 jyldyń qańtarynda ótkizemiz degen senimdemiz», - dedi ol. Uiymdastyrýshylar onyń ornyna qańtarda úide velosporttan shaǵyn festival ótedi degen úmittenetinin jasyrmady. Bir kúndik báseke - «Kadel Evanstyń Uly muhittyq jol jarysy» 31 qańtarǵa josparlanǵan bolatyn. Bul erler men áielder arasyndaǵy básekeni qamtýy kerek edi. Negizgi múddeli taraptarmen, sonyń ishinde komandalarmen jáne Ońtústik Avstraliia týrizm komissiiasymen konsýltatsiialardan soń sharany toqtatý týraly sheshim qabyldandy.
«Biz UCI WorldTour jarys maýsymyn qańtar aiynda ótkize almaitynymyzǵa qynjylamyz. Biraq bul sheshim veloshabandozdardyń, jarys seriktesteriniń, kórermenderdiń, jumys kúshiniń, eriktilerdiń jáne keń qaýymdastyqtyń densaýlyǵy men qaýipsizdigin birinshi orynǵa qoiǵandyqtan qabyldandy», - deidi uiymdastyrýshylar. Olar Evanstyń Týr de Frans jeńisiniń 10 jyldyǵyn toilaýǵa arnalǵan keshti qamtityn 2022 jylǵa josparlary bar ekenin aitady. Avstraliiadaǵy UCI WorldTour aiasynda qos birdei dodanyń bolmaýy erler maýsymyn 21-27 aqpan kúnderi UAE Tour velojarysynan bastalatynyn bildiredi. Atalǵan jarys koronavirýs pandemiiasy áser etken alǵashqy doda bolyp sanalady. 2020 jylǵy maýsymda Birikken Arab Ámirlikterinde ótken velojarys kezinde birneshe sportshydan virýs anyqtalyp, keibir komandalarǵa karantinge jabylǵan bolatyn.
