Internettiń qazaqstandyq segmentine monitoring júrgizý barysynda Memlekettik tehnikalyq qyzmettiń KZ-CERT Kompiýterlik intsidentterge áreket etý qyzmeti kúdikti salynymy bar qujatty tirkedi. KZ-CERT sarapshylary bul fail ziiandy baǵdarlamalyq qamtylym (ZBQ) ekenin anyqtady.
Bul týraly «KZ-CERT» Kompiýterlik intsidentterge áreket etý qyzmeti habarlaidy.
Taldaý barysynda ZBQ AVEMARIA tobyna jatatyndyǵy jáne alaiaqtardyń «qurbandarynyń» pernelerin basý týraly aqparatty baqylaýǵa jáne jazýǵa arnalǵandyǵy anyqtaldy. Atalǵan ZBQ eseptik derekter (mysaly, elektrondyq poshta, áleýmettik jeliler), sondai-aq internet-banking qosymshalarynyń derekterin jáne t.b. týraly aqparatty jinaidy.
AVEMARIA júiege qosymsha ziiandy BQ engizý múmkindigine ie. Iaǵni, ZBQ oryndalatyn faildardy júkteý múmkindigi bar, qarapaiym tilmen aitqanda, ziiankester AVEMARIA-ny basqa ziiandy baǵdarlamalardy taratý úshin qoldana alady. Atap aitqanda, ZBQ-ny ziiankester qorqytyp alýshy baǵdarlamalar men kriptomainerlerdi taratý úshin qoldanady.
Bul ziiandy baǵdarlamanyń ereksheligi Windows Defender baptaýlaryn Windows operatsiialyq júiesi ornatylǵan búkil diskini skanerleýge jol bermeý úshin ózgertedi, óitkeni AVEMARIA faildary Windows katalogynda jasyrylǵan jáne bul ony virýsqa qarsy baǵdarlamalar arqyly anyqtaýǵa jol bermeidi.
Ziiandy áreketterdi minez-qulyq sipatyna qarai taldai alatyn tanymal virýsqa qarsy baǵdarlamalar bul ziiandy BQ anyqtai alady jáne anyqtalǵan jaǵdaida ony joiýǵa múmkindik beredi. Sondyqtan da qurylǵylardyń qaýipsizdigin qamtamasyz etý úshin KZ-CERT qyzmeti litsenziialyq virýsqa qarsy baǵdarlamalardy paidalanýdy, sondai-aq virýsqa qarsy BQ bazasyn ýaqtyly jańartýdy usynady.
«Eger siz aqparattyq qaýipsizdik intsidentiniń qurbany bolsańyz, bizdiń mamandarǵa tegin 1400 (táýlik boiy) nómiri boiynsha habarlaýdy nemese myna silteme boiynsha nemese Telegram messendjeri tobynda «Aqparattyq qaýipsizdik» arqyly ótinim jiberýdi nemese incident@kz-cert.kz email-ne hat jiberýdi suraimyz» -delingen habarlamada.
