Boxeoplus basylymy qazaqstandyq Aidos Erbosynulynyń (16-1, 11 KO) WBA tujyrymy boiynsha sýper orta salmaqtaǵy álem chempiony ataǵy úshin ótken jekpe-jekte aýyr jeńiliske ushyraǵanyn, qazir komada jatqanyn jazdy, - dep habarlaidy Tengrinews.kz agenttigi Vesti.kz saityna silteme jasap.
Sýperorta salmaqta WBA World belbeýi úshin 12 raýndty aiqas AQSh-tyń Minneapolis qalasynda ótti. Morrel aldymen Aidosty eseńgiretti de, 12-raýndta aýyr nokaýtqa túsirdi.
"Qazaqstandyq boksshy komandasy barlyǵyn qupiia ustaǵanyna qaramastan, Boxeoplus.com saity Erbosynulynyń qaýipti bas jaraqatyn alyp, komada jatqanyn, aýyr halde ekenin bildi", - dep jazdy basylym.
Tanymal insaider Den Rafael meditsinalyq mekeme jaǵdaiǵa túsinikteme berýden bas tartqanyn, biraq alynǵan aqparatpen bólisetinin málimdedi.
"Senbi @ShowtimeBoxing/@premierboxing sharasyna qatysqan Aidos Erbosynuly Devid Morrelden 12-raýndta nokaýtpen utylǵannan keiin aýrýhanada jatyr. Onyń naqty jaǵdaiy belgisiz, biraq bir derekkóz jaǵdaiy aýyr ekenin jazdy", - dep jazady jýrnalist.
