Boxeoplus باسىلىمى قازاقستاندىق ايدوس ەربوسىنۇلىنىڭ (16-1, 11 كو) WBA تۇجىرىمى بويىنشا سۋپەر ورتا سالماقتاعى ەلەم چەمپيونى اتاعى ٷشٸن ٶتكەن جەكپە-جەكتە اۋىر جەڭٸلٸسكە ۇشىراعانىن, قازٸر كومادا جاتقانىن جازدى, - دەپ حابارلايدى Tengrinews.kz اگەنتتٸگٸ Vesti.kz سايتىنا سٸلتەمە جاساپ.
سۋپەرورتا سالماقتا WBA World بەلبەۋٸ ٷشٸن 12 راۋندتى ايقاس اقش-تىڭ ميننەاپوليس قالاسىندا ٶتتٸ. موررەل الدىمەن ايدوستى ەسەڭگٸرەتتٸ دە, 12-راۋندتا اۋىر نوكاۋتقا تٷسٸردٸ.
"قازاقستاندىق بوكسشى كومانداسى بارلىعىن قۇپييا ۇستاعانىنا قاراماستان, Boxeoplus.com سايتى ەربوسىنۇلىنىڭ قاۋٸپتٸ باس جاراقاتىن الىپ, كومادا جاتقانىن, اۋىر حالدە ەكەنٸن بٸلدٸ", - دەپ جازدى باسىلىم.
تانىمال ينسايدەر دەن رافاەل مەديتسينالىق مەكەمە جاعدايعا تٷسٸنٸكتەمە بەرۋدەن باس تارتقانىن, بٸراق الىنعان اقپاراتپەن بٶلٸسەتٸنٸن مەلٸمدەدٸ.
"سەنبٸ @ShowtimeBoxing/@premierboxing شاراسىنا قاتىسقان ايدوس ەربوسىنۇلى دەۆيد موررەلدەن 12-راۋندتا نوكاۋتپەن ۇتىلعاننان كەيٸن اۋرۋحانادا جاتىر. ونىڭ ناقتى جاعدايى بەلگٸسٸز, بٸراق بٸر دەرەككٶز جاعدايى اۋىر ەكەنٸن جازدى", - دەپ جازادى جۋرناليست.
