Aýyr atletikadan Qazaqstan ulttyq quramasynyń bas bapkerleri taǵaiyndaldy, dep habarlaidy QazAqparat.
Qazaqstan aýyr atletika federatsiiasy málim etkenindei, erlerdi - Nurjan Smahanov, áielderdi Ivan Sivohin bastaǵan mamandar jattyqtyratyn boldy.
Budan buryn federatsiia Ulttyq olimpiada komiteti, sondai-aq Mádeniet jáne sport ministrligimen kelise otyryp, Qazaqstan ulttyq quramasyn eki komandaǵa – erler men áielderge bólip basqarý týraly sheshim qabyldaǵan bolatyn.
«Nurjan Dáýrenbekuly men Ivan Pavlovichtiń ekeýi de – joǵary bilikti mamandar. Qurama komandada jumys tájiribesi bar. Aldaǵy ýaqytta da nátije shyǵaratynyna senemin. Komandalar biylǵy alǵashqy oqý-jattyǵý jiynyna kiristi. Eldegi epidemiologiialyq ahýaldyń nasharlaýyna bailanysty densaýlyq jaǵdaiymen barlyq sportshylar túgel qatysa almady. Degenmen 13 aqpanda bastalatyn ekinshi jiynǵa qos komanda da tolyq quramda keledi dep úmittenemiz», dedi federatsiianyń bas hatshysy Aldiiar Nuralinov.
