اۋىر اتلەتيكادان قازاقستان ۇلتتىق قۇراماسىنىڭ باس باپكەرلەرٸ تاعايىندالدى, دەپ حابارلايدى قازاقپارات.
قازاقستان اۋىر اتلەتيكا فەدەراتسيياسى مەلٸم ەتكەنٸندەي, ەرلەردٸ - نۇرجان سماحانوۆ, ەيەلدەردٸ يۆان سيۆوحين باستاعان ماماندار جاتتىقتىراتىن بولدى.
بۇدان بۇرىن فەدەراتسييا ۇلتتىق وليمپيادا كوميتەتٸ, سونداي-اق مەدەنيەت جەنە سپورت مينيسترلٸگٸمەن كەلٸسە وتىرىپ, قازاقستان ۇلتتىق قۇراماسىن ەكٸ كومانداعا – ەرلەر مەن ەيەلدەرگە بٶلٸپ باسقارۋ تۋرالى شەشٸم قابىلداعان بولاتىن.
«نۇرجان دەۋرەنبەكۇلى مەن يۆان پاۆلوۆيچتٸڭ ەكەۋٸ دە – جوعارى بٸلٸكتٸ ماماندار. قۇراما كوماندادا جۇمىس تەجٸريبەسٸ بار. الداعى ۋاقىتتا دا نەتيجە شىعاراتىنىنا سەنەمٸن. كوماندالار بيىلعى العاشقى وقۋ-جاتتىعۋ جيىنىنا كٸرٸستٸ. ەلدەگٸ ەپيدەميولوگييالىق احۋالدىڭ ناشارلاۋىنا بايلانىستى دەنساۋلىق جاعدايىمەن بارلىق سپورتشىلار تٷگەل قاتىسا المادى. دەگەنمەن 13 اقپاندا باستالاتىن ەكٸنشٸ جيىنعا قوس كوماندا دا تولىق قۇرامدا كەلەدٸ دەپ ٷمٸتتەنەمٸز», دەدٸ فەدەراتسييانىڭ باس حاتشىسى الدييار نۇرالينوۆ.
