Qazaqstandyq aýyr atlet Rýfina Chalkarova jasóspirimder arasyndaǵy álem chempionatynyń jeńimpazy atandy, dep habarlaidy "Ult aqparat" Olympic.kz saityna silteme jasap.
Jasóspirim qyzdar arasynda 81 keliden joǵary salmaqta synǵa túsken otandasymyz Rýfina Chalkarova jarystan top jardy. Ol qossaiys nátijesi boiynsha 247 (107+140) kelini baǵyndyrdy.
Braziliialyq Jýstine De Lima Taiane ekinshi orynnan kórinse, túrkiialyq Jevik Fatmagúl úzdik úshtikti túiindedi.
Aita keterligi, keshe jasóspirim uldar arasynda baq synaǵan qazaqstandyq Rahat Bekbolat qossaiys nátijesinde 355 kelini eńserip, álem chempiony atanǵan bolatyn.
Jasóspirimder arasyndaǵy álem chempionatyna Qazaqstan sapynan barlyǵy eki sportshy qatysty. Nátijesinde eki sportshy da altyn medalǵa ie boldy.
