Aýylǵa tartylǵan mamandarǵa úi salýǵa jyl saiyn 22 myń jer telimi beriledi. Bul týraly «Nur Otan» partiiasynyń kezekten tys XX Sezinde QR Prezidenti Qasym-Jomart Toqaev aitty, dep habarlaidy QazAqparat.
«Aýyldyq jerlerge qajet mamandardy tartýǵa nazar aýdarylady. Olarǵa úi salý úshin jylyna 22 myń jer telimi bólinedi. Oblys ortalyqtarynda jáne shaǵyn qalalarda jylyna 25 myń jer telimi beriledi. Jalpy alǵanda aldaǵy 5 jylda shamamen 1 mln otbasy úshin 100 mln sharshy metrden astam turǵyn úi salynady. Sonyń ishinde 300 myńǵa jýyq páterdi áleýmettik turǵyn úi retinde jeńildikpen paidalanýǵa bolady», - dedi Memleket basshysy.
QR Prezidenti shól dala máselesin, Semei iadrolyq poligony, «Baiqońyr» ǵarysh ailaǵy tóńiregindegi ekologiialyq túitkilderdi sheshý jumystary jalǵasatynyn basa aitty.
«Araldyń soltústik bóligin qalpyna keltirý jáne Jaiyq ózeni alabynyń ekologiialyq júiesin saýyqtyrý jóninde sharalar qabyldanady», - dedi Qasym-Jomart Toqaev.
