Atyraýda Qarabalinder áýletiniń ólimine qatysty rezonansty qylmystyq is boiynsha sot otyrysy bastaldy. Bul is boiynsha Sultan Sársemáliev aiyptalýshy retinde jaýap berip jatyr. Tergeý dereginshe, ol qaiyn jurtynyń qazasyna qatysy baryn moiyndaǵan, dep ult.kz tilshisi dalanews.kz saityna silteme jasap habarlaidy.
Sot barysynda osy isti tergegen Atyraý oblysy politsiia departamenti tergeý basqarmasynyń asa mańyzdy ister jónindegi aǵa tergeýshisi Temirhan Qajymuratov kúdiktige qalai shyqqandaryn aityp berdi.
Tergeýshiniń sózinshe, is aiasynda 40-tan astam adamnan jaýap alynǵan. Olardyń qatarynda marqumdardyń týystary, kórshileri jáne oqiǵaǵa qatysty qandai da bir málimet bere alatyn azamattar bolǵan.
Bastapqyda erli-zaiypty iz-tússiz joǵalǵandar retinde tirkelgen. Osydan keiin politseiler olardyń bank esepshottaryn tekserip, aqsha qozǵalysyn zerttei bastaǵan. Qarajat qaida, qashan jáne kimge aýdarylǵany muqiiat qaralǵan.
"Aldymen esepshottar tekserildi. Aqsha tústi me, qai jerde jumsaldy – bári qaraldy. Sol kezde kúdikti Sársemálievtiń shotyna aqsha aýdaryp júrgeni belgili boldy. Keiin aýylǵa aparyp-ákelgen taksi júrgizýshisi anyqtaldy. Ol qarasha aiynda erli-zaiypty men balasyn jetkizgen. Qaitar jolda onyń janynda Meiramgúl Muqanǵalieva da bolǵan", – dedi Temirhan Qajymuratov.
Qazir sotta qylmystyq istiń barlyq mán-jaiy qaralyp jatyr. Tergeý tarapy bul isti asa aýyr qylmys retinde baǵalap otyr. Al aiyptalýshyǵa qatysty sońǵy sheshimdi sot shyǵarady.
