2021 jylǵy 7 qańtarda quramynda Soltústik Qazaqstan oblysynyń oblystyq jáne aýdandyq máslihattaryna kandidattary bar «Aýyl» Halyqtyq-demokratiialyq patriottyq partiiasynyń úgit-nasihat toby «Aziia Tarangýl» JShS-da boldy. Eńbek ujymymen kezdesý «Aýyldan aýylǵa» aktsiiasy aiasynda «Aýyl» partiiasynyń óńirlik filialynyń basshysy Temirǵali Ábilmájinovtiń qatysýymen ótti.
«Aziia Tarangýl» - mal sharýashylyǵymen jáne dándi daqyldardy ósirýmen ainalysatyn óńirdegi jetekshi sharýashylyq. Kásiporyn jergilikti halyqty jumys oryndarymen qamtamasyz etedi, otandyq aýyl sharýashylyǵy ónimderin eksporttaýǵa jáne aýyldyń áleýmettik infraqurylymyn damytýǵa atsalysýda.
Sharýashylyq basshysynyń aitýynsha, «Aýyl» partiiasynyń azyq-túlik qaýipsizdigi týraly zańdy qabyldaý jónindegi bastamasy óte ýaqytyly, óitkeni sońǵy jyldary AÓK sýbektilerin memlekettik qoldaý júiesinde «turaqtylyq» uǵymy joǵalyp ketti. Jańa basshylardyń kelýimen sýbsidiialaý erejeleri men olardy alý sharttary ózgeredi. Munyń bári uzaq merzimdi kezeńge óndiristik qyzmetti strategiialyq josparlaýǵa teris áser etedi.
Óńirlik filial tóraǵasy T.Ábilmájinovtiń pikirinshe, bul másele barlyq deńgeide oryn alýda. Arnaiy zańda partiia barlyq tikelei jáne janama sharalardy qarastyrýdy josparlap otyr, osylaisha memlekettik ýákiletti organdar ereje men sharttardy emes, sýbsidiialaý normativterin ǵana túzetetin bolady. Budan basqa, azyq-túlik qaýipsizdigi týraly Zańnyń qabyldanýy salany memlekettik retteý sharalaryn turaqtandyrýǵa múmkindik beredi.
Kezdesýde sondai-aq, kóktemgi egis jáne egin jinaý jumystary kezinde aýyl sharýashylyǵy tehnikasyn jańartýdyń tómen deńgeii jáne JJM qoljetimdiligi máseleleri aityldy.
Sondai-aq, búgin QR Parlamenti Májilisiniń depýtattyǵyna úmitkerler jáne oblystyq, aýdandyq máslihattar depýtattyǵyna kandidattar Pavlodar, ShQO, SQO, Túrkistan oblystarynda sharýa qojalyq ujymdarymen jáne isker áieldermen, kópbalaly analarmen kezdesýler ótkizip, partiianyń sailaýaldy baǵdarlamasyn tanystyrdy.
Pavlodar oblysy, Pavlodar aýdany, Naberejnoe aýylynda QR Parlamenti Májilisiniń depýtattyǵyna úmitker Arsiýtin N.G., Pavlodar oblystyq máslihat depýtattyǵyna úmitkerler Amanjolov B.A., Toqtýshakov E.Ch., «Aýyl» HDPP qoǵamdyq birlestiginiń senimdi ókilderi Baigýrmanov E.N., Batyrshaev A.O., Jeksenbi M.A. «Andas» sharýa qojalyǵynyń ujymymen kezdesý ótkizdi.
Túrkistan qalasynda QR Parlament májilisine úmitkerler Q.Á.Aralbekova, R.Á.Toqseitova, B.Tólegen Túrkistan qalalyq máslihatyna úmitker Q.K.Báimen, Qazyǵurt aýdandyq máslihatyna úmitker S.Stybaeva isker áieldermen jáne kópbalaly analarmen kezdesip, partiianyń sailaýaldy baǵdarlamasyn tanystyrdy jáne kópbalaly analardyń máselelerin tyńdady.
ShQO, Glýbokoe aýdany, Praporshikovo kentinde «Aýyl» HDPP-sy atynan oblystyq jáne aýdandyq máslihattarǵa kandidattar M.T.Faradjev «Mýrzykanova» ShQ-nyń ujymymen kezdesti.
