Áleýmettik qoldaýdy durys uiymdastyrǵan jaǵdaida aýyldardaǵy dáriger tapshylyǵyn sheshýge bolady. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Densaýlyq saqtaý salasynyń kadrlyq áleýetin damytý úshin dárigerlerdiń jalaqysyn, mamandardyń biliktiligin arttyrý jumystary jalǵasady. Biyl 11 myńnan astam mamandy, onyń ishinde 35-in shet elde oqytý josparlanǵan», - dedi ol.
Ministrdiń aitýynsha, biyl elimizdiń meditsinalyq joǵary oqý orgyndaryn 5 myńnan astam túlek bitirip shyǵady. Olardyń shamamen 3 myńy alǵashqy meditsinalyq-sanitarlyq kómek uiymdaryna jumysqa jiberiledi.
«Bul rette alǵashqy meditsinalyq-sanitarlyq kómek dárigerleriniń tapshylyǵy 2 540, onyń ishinde aýyldyq jerlerde 848 mamandy quraidy. Áleýmettik qoldaýdy durys uiymdastyrǵan jaǵdaida kadrlardy jergilik jerlerge bekitip, kadr tapshylyǵy máselesin sheshýge bolady», - dedi Aleksei Tsoi.
