ەلەۋمەتتٸك قولداۋدى دۇرىس ۇيىمداستىرعان جاعدايدا اۋىلدارداعى دەرٸگەر تاپشىلىعىن شەشۋگە بولادى. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«دەنساۋلىق ساقتاۋ سالاسىنىڭ كادرلىق ەلەۋەتٸن دامىتۋ ٷشٸن دەرٸگەرلەردٸڭ جالاقىسىن, مامانداردىڭ بٸلٸكتٸلٸگٸن ارتتىرۋ جۇمىستارى جالعاسادى. بيىل 11 مىڭنان استام ماماندى, ونىڭ ٸشٸندە 35-ٸن شەت ەلدە وقىتۋ جوسپارلانعان», - دەدٸ ول.
مينيستردٸڭ ايتۋىنشا, بيىل ەلٸمٸزدٸڭ مەديتسينالىق جوعارى وقۋ ورگىندارىن 5 مىڭنان استام تٷلەك بٸتٸرٸپ شىعادى. ولاردىڭ شامامەن 3 مىڭى العاشقى مەديتسينالىق-سانيتارلىق كٶمەك ۇيىمدارىنا جۇمىسقا جٸبەرٸلەدٸ.
«بۇل رەتتە العاشقى مەديتسينالىق-سانيتارلىق كٶمەك دەرٸگەرلەرٸنٸڭ تاپشىلىعى 2 540, ونىڭ ٸشٸندە اۋىلدىق جەرلەردە 848 ماماندى قۇرايدى. ەلەۋمەتتٸك قولداۋدى دۇرىس ۇيىمداستىرعان جاعدايدا كادرلاردى جەرگٸلٸك جەرلەرگە بەكٸتٸپ, كادر تاپشىلىعى مەسەلەسٸن شەشۋگە بولادى», - دەدٸ الەكسەي تسوي.
