Senat depýattary el óńirlerin sapaly internet bailanysymen qamtamasyz etý máselesin kóterdi, dep habarlaidy "Ult aqparat".
Aita ketsek búnin palatada Salyq kodeksine túzetýler engizý máselesi qaralǵan bolatyn. Depýtattardyń pikirinshe, aýyldaǵy internet máselesin uialy bailanys operatorlary úshin preferentsiialar esebinen sheshýge bolady.
«Senatorlar bailanys operatorlary radiojelilerdi qoldanǵany úshin tóleitin tólemniń jyldyq mólsherlemesin 90 paiyzǵa tómendetýdi usynyp otyr. Mundai jeńildikti alý úshin bailanys operatorlary osydan únemdelgen qarajatty birinshi kezekte aýyldardy keń jolaqty internetpen qamtamasyz etýge jumsaý kerek. Bul – Memleket basshysynyń aýmaqtardy teńgerimdi damytý tapsyrmasymen bailanysty mindet», - dedi otyrysta Senat spikeri Máýlen Áshimbaev
Salyq kodeksine engizilgen ózgeristerdi qarastyra otyryp, Senat depýtattary uialy bailanys úshin tólenetin mólsherlemeni 90%-ǵa tómendetý týraly túzetýler engizýdi usyndy. Mundai jeńildikti alý úshin bailanys operatorlary únemdelgen qarajatty aýyldar men ózge de eldimekenderdi keń jolaqty internetpen qamtamasyz etý jobalaryn qarjylandyrýǵa jumsaýǵa tiis.
