Qazaqstanda aýyl turǵyndary qaladaǵylarǵa qaraǵanda uzaqtaý ómir súredi. Bul týraly Densaýlyq saqtaý ministri Ajar Giniiat málimdedi, dep habarlaidy Massaget.kz portaly.
Ǵiniiat búginde aýylda 7,8 million adam turatynyn, bul el halqynyń 41 paiyzyn quraitynyn atap ótti. Statistikaǵa súiensek, aýyl turǵyndarynyń 38 paiyzy - balalar, 62 paiyzy - eresekter.
"Halyqtyń densaýlyq kórsetkishterin taldaý aýyl turǵyndarynyń ómir súrý uzaqtyǵy qala turǵyndaryna qaraǵanda turaqty joǵary ekenin kórsetedi. 2021 jyldyń qorytyndysy boiynsha Qazaqstanda ortasha ómir súrý uzaqtyǵy 70,23 jas bolsa, qalada bul kórsetkish 69,91 jas, al aýylda 70,79 jas deńgeiinde tirkeldi", - dedi Densaýlyq saqtaý ministrliginiń basshysy Májilistegi úkimet saǵatynda.
Densaýlyq saqtaý ministrliginiń málimetinshe, ótken jylmen salystyrǵanda biyl jalpy ólim kórsetkishi 14 paiyzǵa tómendegen.
"Elde aýyldyq meditsinalyq uiymdardyń infraqurylymy damyǵan, bes myńnan astam meditsinalyq uiym aýyl turǵyndaryna meditsinalyq kómek kórsetedi. Onyń ishinde eki myńnan astam meditsinalyq pýnkt, 800 feldsherlik-akýsherlik pýnkt, 1 myńnan astam dárigerlik ambýlatoriia, 200-den astam emhana bar jáne 203 aýrýhana bar", - dedi. Ajar Ǵiniiat.
