2019 jyly aýyl sharýashylyǵyndaǵy bir jumyskerdiń eńbek ónimdiligi 2,4 mln teńge boldy. Bul týraly QR Aýyl sharýashylyǵy ministri Saparhan Omarov esep berý kezdesýinde aitty, dep habarlaidy QazAqparat.
«Tutastai alǵanda, aýyl sharýashylyǵynyń jalpy ónim kólemi ótken jyly 0,9 paiyzǵa artyp, 5,2 trln teńgeni qurady. Bul rette, mal sharýashylyǵy ónimderin óndirý kólemi 4 paiyzǵa artsa, qolaisyz aýyl sharýashylyǵy jaǵdailaryna bailanysty ósimdik sharýashylyǵy 1,7 paiyzǵa tómendedi», - dedi miinstr Ortalyq komýnikatsiialar qyzmetindegi onlain kezdesýde.
Onyń dereginshe, 2019 jyly salaǵa 501,6 mlrd teńge investitsiia tartyldy. Bul ótken jyldyń deńgeiinen 41 paiyzǵa joǵary.
«2019 jyldyń qorytyndysy boiynsha aýyl sharýashylyǵyndaǵy eńbek ónimdiligi bir jumyskerge shaqqanda 2,4 mln teńgeni qurady. Bul ótken jyldyń deńgeiinen 14 paiyzǵa kóp. Ótken jyly aýyspaly egisti saqtai otyryp, rentabeldiligi joǵary daqyldar alańyn ulǵaitý maqsatynda maily jáne burshaqty daqyldar egisteri artty. Mysaly zyǵyr alańy 18,2, soia alańy 10,7, kókónis-baqsha daqyldary alańy 4,7 paiyzǵa ulǵaityldy. Júrgizilgen alańdardy ártaraptandyrý nátijesinde bidai alańdary monodaqyl retinde 11,3 mln gektarǵa qysqartyldy», - Saparhan Omarov.
