Búgin Úkimettiń selektorlyq rejimdegi otyrysynda Premer-Ministr Baqytjan Saǵyntaev Aýyl sharýashylyǵy ministrliginiń aýyldaǵy biznesti nesieleý baǵdarlamasyn júzege asyrý úshin kadrlar irikteýdegi jumysyna syn aitty, dep habarlaidy Ult.kz tilshisi QazAqparat agenttigine silteme jasap.
Otyrys barysynda baiandama jasaǵan QR Aýyl sharýashylyǵy birinshi vitse-ministri Qairat Aitýǵanovtyń aitýynsha, 2017-2021 jyldary Ónimdi eńbek jáne jappai kásipkerlikti damytý baǵdarlamasy aiasynda Aýyl sharýashylyǵy ministrligi aýyldyq eldi mekender men shaǵyn qalalarda shaǵyn nesieleýdi, shaǵyn qarjylyq uiymdar men kredittik seriktester bóletin shaǵyn nesielerdi kepildendirýdi júzege asyrady. Bul maqsatqa biýdjetten 27 mlrd teńge bólingen. Onyń 11 mlrd teńgesi Agrarlyq kredittik korporatsiia arqyly júzege asyrylady.
«Búgingi kúni Agrarlyq kredittik korporatsiia bólingen 11 mlrd teńgeniń 5,2 mlrd teńgesin nemese 45 paiyzyn igerdi. Qarjyny igerýdegi eń joǵary kórsetkish Aqtóbe oblysynda 86, Pavlodar oblysynda 84 paiyzdy quraidy. Al igerý Soltústik Qazaqstan oblysynda nebári 15 paiyzdy qurasa, Mańǵystaý oblysy igerýdi bastaǵan da joq», - dedi ol.
Osy oraida Úkimet basshysy birinshi vitse-ministrden atalǵan oblystar qarjyny igerýde artta qalyp otyrǵandyǵyn túsindirýdi talap etti.
«Biz mán-jaidy anyqtadyq. Mańǵystaýda Agrarlyq kredittik korporatsiianyń filialy joq. Sondyqtan Atyraýdan nesielendiriledi. Biz bul máseleni qarastyryp jatyrmyz», - dedi Aitýǵanov.
Óz kezeginde Baqytjan Saǵyntaev biznesmenderdi nesie alý úshin Atyraýǵa sabyltqansha Aqtaýǵa qajetti mamandardy saparǵa jiberý durys bolatyndyǵyn basa aitty.
«Shyǵysta da qarjyny igerýde problema bolǵan edi. Búgingi kúni de ol bar. Biz direktory men orynbasarlaryn aýystyrdyq. Ol jaqta menedjment nashar jumys istegen. Bizdiń qyzmetkerlerimiz nashar jumys jasady. Biz olardy jumystan shyǵardyq. Aqmolada problema bolmaidy dep oilaimyn. Soltústik Qazaqstan oblysynda da problema bar. Biz sheshim qabyldadyq jáne qazirgi ýaqytta Agrarlyq kredittik korporatsiianyń jańa direktory jumys isteýde», - dedi Qairat Aitýǵanov.
Osy rette Baqytjan Saǵyntaev kadr tańdaý jumystarynda kemshiliktiń bolǵandyǵyn atap óte kele: «Demek, biz talap etetin kólemde óz mindetin oryndai almaityn kadrlar iriktep alynǵan. Bul jaman, kim kóringendi jumysqa alasyzdar», - dedi Premer-Ministr.
