بٷگٸن ٷكٸمەتتٸڭ سەلەكتورلىق رەجٸمدەگٸ وتىرىسىندا پرەمەر-مينيستر باقىتجان ساعىنتاەۆ اۋىل شارۋاشىلىعى مينيسترلٸگٸنٸڭ اۋىلداعى بيزنەستٸ نەسيەلەۋ باعدارلاماسىن جٷزەگە اسىرۋ ٷشٸن كادرلار ٸرٸكتەۋدەگٸ جۇمىسىنا سىن ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
وتىرىس بارىسىندا بايانداما جاساعان قر اۋىل شارۋاشىلىعى بٸرٸنشٸ ۆيتسە-مينيسترٸ قايرات ايتۋعانوۆتىڭ ايتۋىنشا, 2017-2021 جىلدارى ٶنٸمدٸ ەڭبەك جەنە جاپپاي كەسٸپكەرلٸكتٸ دامىتۋ باعدارلاماسى اياسىندا اۋىل شارۋاشىلىعى مينيسترلٸگٸ اۋىلدىق ەلدٸ مەكەندەر مەن شاعىن قالالاردا شاعىن نەسيەلەۋدٸ, شاعىن قارجىلىق ۇيىمدار مەن كرەديتتٸك سەرٸكتەستەر بٶلەتٸن شاعىن نەسيەلەردٸ كەپٸلدەندٸرۋدٸ جٷزەگە اسىرادى. بۇل ماقساتقا بيۋدجەتتەن 27 ملرد تەڭگە بٶلٸنگەن. ونىڭ 11 ملرد تەڭگەسٸ اگرارلىق كرەديتتٸك كورپوراتسييا ارقىلى جٷزەگە اسىرىلادى.
«بٷگٸنگٸ كٷنٸ اگرارلىق كرەديتتٸك كورپوراتسييا بٶلٸنگەن 11 ملرد تەڭگەنٸڭ 5,2 ملرد تەڭگەسٸن نەمەسە 45 پايىزىن يگەردٸ. قارجىنى يگەرۋدەگٸ ەڭ جوعارى كٶرسەتكٸش اقتٶبە وبلىسىندا 86, پاۆلودار وبلىسىندا 84 پايىزدى قۇرايدى. ال يگەرۋ سولتٷستٸك قازاقستان وبلىسىندا نەبەرٸ 15 پايىزدى قۇراسا, ماڭعىستاۋ وبلىسى يگەرۋدٸ باستاعان دا جوق», - دەدٸ ول.
وسى ورايدا ٷكٸمەت باسشىسى بٸرٸنشٸ ۆيتسە-مينيستردەن اتالعان وبلىستار قارجىنى يگەرۋدە ارتتا قالىپ وتىرعاندىعىن تٷسٸندٸرۋدٸ تالاپ ەتتٸ.
«بٸز مەن-جايدى انىقتادىق. ماڭعىستاۋدا اگرارلىق كرەديتتٸك كورپوراتسييانىڭ فيليالى جوق. سوندىقتان اتىراۋدان نەسيەلەندٸرٸلەدٸ. بٸز بۇل مەسەلەنٸ قاراستىرىپ جاتىرمىز», - دەدٸ ايتۋعانوۆ.
ٶز كەزەگٸندە باقىتجان ساعىنتاەۆ بيزنەسمەندەردٸ نەسيە الۋ ٷشٸن اتىراۋعا سابىلتقانشا اقتاۋعا قاجەتتٸ مامانداردى ساپارعا جٸبەرۋ دۇرىس بولاتىندىعىن باسا ايتتى.
«شىعىستا دا قارجىنى يگەرۋدە پروبلەما بولعان ەدٸ. بٷگٸنگٸ كٷنٸ دە ول بار. بٸز ديرەكتورى مەن ورىنباسارلارىن اۋىستىردىق. ول جاقتا مەنەدجمەنت ناشار جۇمىس ٸستەگەن. بٸزدٸڭ قىزمەتكەرلەرٸمٸز ناشار جۇمىس جاسادى. بٸز ولاردى جۇمىستان شىعاردىق. اقمولادا پروبلەما بولمايدى دەپ ويلايمىن. سولتٷستٸك قازاقستان وبلىسىندا دا پروبلەما بار. بٸز شەشٸم قابىلدادىق جەنە قازٸرگٸ ۋاقىتتا اگرارلىق كرەديتتٸك كورپوراتسييانىڭ جاڭا ديرەكتورى جۇمىس ٸستەۋدە», - دەدٸ قايرات ايتۋعانوۆ.
وسى رەتتە باقىتجان ساعىنتاەۆ كادر تاڭداۋ جۇمىستارىندا كەمشٸلٸكتٸڭ بولعاندىعىن اتاپ ٶتە كەلە: «دەمەك, بٸز تالاپ ەتەتٸن كٶلەمدە ٶز مٸندەتٸن ورىنداي المايتىن كادرلار ٸرٸكتەپ الىنعان. بۇل جامان, كٸم كٶرٸنگەندٸ جۇمىسقا الاسىزدار», - دەدٸ پرەمەر-مينيستر.
