Sýret: Akorda.kz
Qazaqstanda fermerlerdi qoldaýdyń jańa sharasy qabyldandy, dep habarlaidy Kazinform agenttigi.
«Biz qazir otandyq fermerlerdi qoldaýdyń buryn-sońdy bolmaǵan sharasyn qabyldadyq. Iaǵni, azyq-túlik kelisimshart korporatsiiasy arqyly fermerler úshin forvardtyq kelisimsharttar boiynsha satyp alý baǵasy yńǵaily bolyp belgilendi. Qazir Qarjy ministrligine azyq-túlik korporatsiiasy tarapynan tikelei satyp alý úshin biýdjet qarajatyn bólýdiń rásimderi ótip jatyr. Biz 2 jyl boiy fermerlerden astyq satyp alatyn bolamyz», - dedi QR Aýyl sharýashylyǵy vitse-ministri Azat Sultanov «KazAgro-2023» halyqaralyq kórmesi aiasynda BAQ ókilderiniń saýalyna jaýap bere otyryp.
Sonymen qatar vitse-ministr qazaqstandyq fermerlerden satyp alynatyn astyqtyń kólemin atady.
«Árine, kólem az, nebári 350 myń tonna. Cyn aitylyp jatyr. Biraq bizdiń maqsat - fermerlerdiń barlyq astyǵyn satyp alý emes. Baǵdarlamanyń maqsaty - ishki naryqtaǵy baǵany turaqtandyrý jáne jekelegen zardap shekken fermerlerge sapasy óte tómen astyqty satýǵa kómektesý», - deidi ol.
