Biylǵy jyly aýyl sharýashylyǵy daqyldary alqaptarynyń kólemi Almaty oblysynda ótken jylmen salystyrǵanda 4,9 myń gektarǵa ulǵaiyp, 966,5 myń gektardy quraidy.
Oblystyq aýyl sharýashylyǵy basqarmasynyń málimetine qaraǵanda, kóktemgi dala jumystary 10 naýryzda bastalǵan.
Búginde oblys boiynsha 157,4 myń gektar jer jyrtylyp, barlyǵy 51,0 myń gektarǵa dán egildi, sonyń 36,6 myń gektary masaqty dándi daqyl (arpa men bidai - 21,5 myń ga, jazdyq daqyl – 15,1 myń ga), 3,3 myń gektary dándi daqyl (maqsary – 3,3 myń ga), 2,3 myń ga kartop, 4,7 myń ga kókónis (piiaz, sábiz, qyzyl qyzylsha, redis, salattar), 0,2 myń ga baqshalyq (asqabaq, qarbyz) jáne 4,9 myń ga mal azyǵy daqyldary (bir jáne kópjyldyq). Oǵan qosa 109,6 myń ga kúzdik daqyldar (bidai – 97 myń ga, arpa – 12,4 myń ga) sebilip, 223,2 myń tonna tuqym salyndy.
«Jetisý» ÁKK» AQ arqyly oblystyń 548 aýyl sharýashylyǵy taýaryn óndirýshiler úshin 14,2 myń egis birligi kóleminde qant qyzylshasynyń joǵary ónimdilikti tuqymy satyp alynǵan. Kóktemgi dala jumystaryn nesieleý úshin «Agrarlyq nesie korporatsiiasy» AQ jyl basynan beri 13 zaem alýshyǵa 167,1 mln. teńge soma nesie berdi.
Jalpy qazirgi kezde alqap jumystaryna 33,8 myń birlik aýyl sharýashylyǵy tehnikalary tartylyp, qamtylý deńgeii qazirgi kezde 97 % quraidy.
Kóktemgi egis jumystary oblys basshylyǵynyń turaqty baqylaýyna alynǵan jáne bul jumystardy 25 mamyrǵa deiin aiaqtaý kózdelip otyr.
