Qazaqstan Respýblikasy Prezidentiniń Joldaýyn qoldaý týraly «Aýyl» Halyqtyq-demokratiialyq patriottyq partiiasynyń málimdemesi.
Qurmetti otandastar!
«Aýyl» partiiasy qoǵamdy demokratiialandyrýǵa jáne naryqtyq qatynastar jaǵdaiynda ekonomikanyń agrarlyq sektoryn túbegeili ózgertýge baǵyttalǵan saiasi-ekonomikalyq reformalardy dáiekti iske asyrýdy jaqtaidy. Sondyqtan, «Aýyl» HDPP el damýynyń jańa joly kórsetilgen «Qazaqstannyń úshinshi jańǵyrýy: jahandyq básekege qabilettilik» atty Prezident Joldaýyn rizashylyqpen qabyldady.
Joldaýda atalǵan damý jolyn ekonomikadaǵy tehnologiialyq jańarýdy jedeldetý, eksportty ártaraptandyrý, adami kapital sapasyn jaqsartý, kásipkerlikti yntalandyrý arqyly iske asyrý atap kórsetilgen.
N.Nazarbaev Qazaqstannyń agrarlyq sektoryna erekshe kóńil bólip otyrady. Atalǵan sala el ekonomikasynyń jańa draiverine ainalýy kerek. Biz álemde iri agrarlyq eksporttyq ónim óndirýshi el bola alamyz. Osy maqsattardy iske asyrý úshin biz shikizat óndirisinen ketip, joǵary sapaly, óńdelgen ónimder shyǵarýdy kózdeitin sharalar qabyldaýymyz kerek. Sonda ǵana bizdiń aýyl sharýashylyq ónimderimiz básekege qabiletti bolady.
Sondai-aq, Elbasy Joldaýynda jeke úi sharýashylyqtaryn biriktirip, taýarlardy saqtaýdyń, tasymaldaýdyń jáne ótkizýdiń tiimdi júiesin qurý, jerdi paidalaný tiimdiligin arttyrý, agrarlyq ǵylymi zertteýlerge salynatyn investitsiia kólemin arttyrý mindet ekeni aitylǵan.
«Aýyl» partiiasy Prezident Joldaýyn qoldaidy jáne óziniń jaýapkershiligin sezine otyryp, ony iske asyrýǵa barynsha belsendi qatysatyn bolady.
«Aýyl» HDPP Tóraǵasy
Á.Bektaev
Ult portaly
.jpeg)