Qazaqstannyń aýyl áielderiniń III forýmynda «Aýyl» partiiasy men Qazaqstan áielderiniń agrarlyq odaǵy yntymaqtastyq týraly memorandýmǵa qol qoidy, dep habarlaidy QazAqparat.
«Bizdiń azamattardy azyq-túlik baǵasynyń qubylmalylyǵy qatty alańdatady. Ásirese, aýyldaǵy genderlik jumyssyzdyq máselesi ótkir. Aýyl sharýashylyǵyndaǵy jaldamaly jumysshylardyń jalaqysy barlyq salalardyń eń tómengi deńgeiinde qalyp otyr», - degen partiia tóraǵasynyń birinshi orynbasary Tóleýtai Rahymbekov «Aýyl» partiiasynyń jartysyn áielder quraitynyn aityp ótti.
Onyń sózinshe «Aýyl» partiiasy aýyl halqynyń ǵana máselesin kóteredi degen paiym qate.
«Bizdiń maqsatymyz partiianyń ataýynda tur - Halyqtyq-demokratiialyq patriottyq partiia. Biz qazaqstandyq patriotizmge negizdelgen demokratiialyq kózqarastarǵa jetý úshin kúresetin jalpyulttyq partiiamyz. Búgin «Aýyl» partiiasy men Qazaqstan áielder agrarlyq odaǵy arasynda memorandýmǵa qol qoiylady. Bul memorandým eldi mekenderdi jandandyryp, saiasi, turaqty, ekonomikalyq turǵydan myqty jáne áleýmettik turǵyda ádiletti Qazaqstandy qurýǵa qyzmet etetinine senimdimin», - dep atap ótti Tóleýtai Rahymbekov.
Óz kezeginde Qazaqstannyń aýyl áielderi forýmyn uiymdastyrý komitetiniń basshysy Maira Aisina memorandýmǵa qol qoiý týraly kelisimge qol jetkizilgenin, óitkeni qos taraptyń maqsattary men mindetteri bir-birimen sáikes keletindigin atap ótti.
«Áielderdiń agrarlyq odaǵy joq jerden paida bolǵan joq. Oblystyq jáne respýblikalyq forýmdardyń belsendi delegattarynyń qoldaýynyń arqasynda bizdiń barlyǵymyz aýyl áielderiniń áleýetin biriktirý maqsatynda aýyldy damytý, aýyl sharýashylyǵy máselelerin kóterdik. Osylaisha Memorandýmǵa qol qoiý týraly kelisim jasaldy», - dedi Maira Aisina.
Osylaisha, Qazaqstan aýyl áielderiniń III forýmy kezinde «Aýyl» Halyqtyq Demokratiialyq Patriottyq partiiasy men «Qazaqstan áielderiniń agrarlyq odaǵy» ZTB arasyndaǵy yntymaqtastyq týraly memorandýmǵa qol jetkizildi. Memorandýmǵa eki partiianyń ókilderi - Tóleýtai Rahymbekov pen Lázzat Asqarova qol qoidy.
