Alians agroóndiristik kesheni kásiporny men «Aýyl» halyqtyq-demokratiialyq patriottyq partiiasy agroóndiristik keshendi damytýda kúsh biriktiredi, dep habarlaidy "Ult aqparat".
Búgin elordada «Agroónerkásiptik keshendi damytý jańa baǵdarlamanyń tujyrymdamasy» taqyrybynda ótken dóńgelek ústel barysynda «Aýyl» halyqtyq-demokratiialyq patriottyq partiiasynyń tóraǵasy Áli Bektaev pen «Qazaqstannyń kartop jáne kókónis ósirýshiler odaǵynyń» tóraǵasy Qairat Bisetaev yntymaqtastyq týraly memorandýmǵa qol qoidy.
«Barlyǵymyz bir baǵytta – agrarlyq sektordy damytý boiynsha jumys istep jatyrmyz. Memorandým tek qaǵaz emes, bolashaqta birlesip jumys isteýge jáne osy salaǵa qatysty problemalyq máselelerdi sheshýge múmkindik beredi. Bizdiń maqsatymyz – halyqtyń igiligi úshin jumys istep, azamattardyń ómirin jaqsartý», - deidi Ali Bektaev.
Is-shara barysynda biznes qaýymdastyqtar «Aýyl» halyqtyq-demokratiialyq patriottyq partiiasymen birge «Agroónerkásiptik keshenniń 100 problemalyq máseleleri jáne olardy sheshý joldary» tujyrymdamasy boiynsha usynystaryn aitty. Dóńgelek ústelde aldaǵy 5 jylǵa arnalǵan agroónerkásiptik keshendi damytý baǵdarlamasyna engizilýi tiis birqatar tezister men negizgi qaǵidalar aitylady.
