Elordada «Aýyl» halyqtyq-demokratiialyq patriottyq partiiasy saiasi keńesiniń otyrysy ótti, dep habarlaidy "Ult aqparat".
Kún tártibinde qaralǵan máselelerdiń biri - «Aýyl» halyqtyq-demokratiialyq patriottyq partiiasynyń QR Parlamenti májilisi men máslihat depýtattarynyń kezekti sailaýyna qatysýy.
«QR Prezidenti Qasym-Jomart Toqaev Qazaqstanda 10 qańtar kúni QR Parlamenti májilisi men máslihat depýtattarynyń sailaýy ótetini týraly jarlyq shyǵardy. Bul - biz úshin úlken saiasi oqiǵa. Biz Qazaqstanda jumys istep kele jatqan saiasi partiianyń biri retinde osy saiasi naýqanǵa qatysýǵa tolyq quqylymyz. Partiiamyz qurylǵaly jiyrma jylda maqsatymyz, jumysymyzdyń mazmuny, saiasi platformamyz ózgergen joq. Sońǵy bes jylda 52 myńnan astam Qazaqstan azamaty partiiamyzdyń múshesi boldy. Partiiamyzdyń ideiasyn qoldaýshylar jyldan jylǵa kóbeiip kele jatyr. Alda kele jatqan sailaýǵa «Aýyl» halyqtyq-demokratiialyq patriottyq partiiasynyń qatysýy týraly usynys engizemin», - dedi «Aýyl» halyqtyq-demokratiialyq patriottyq partiiasynyń tóraǵasy Áli Bektaev.
Ol aldaǵy sezde partiialyq tizimdi bekitip, halyqtyń aldynda jariia etetinin aitty.
«Aýyl» halyqtyq-demokratiialyq patriottyq partiiasynyń saiasi keńesi QR Prezidentiniń jarlyǵyna sáikes 2021 jyly 10 qańtarda ótetin QR Parlamenti májilisi men máslihat depýtattarynyń kezekti sailaýyna «Aýyl» halyqtyq-demokratiialyq patriottyq partiiasynyń qatysatynyn málimdeidi», - dedi ol.
