Foto: ashyq derekkóz
AQSh Prezidenti Donald Tramp júkti áielderdiń paratsetamol (tailenol, atsetaminofen) qoldanýy balalarda aýtizm qaýpin arttyrýy múmkin dep málimdedi.
Ol Aq úide sóilegen sózinde eldiń meditsina biligi áielderge bul preparatty qoldanýdy shekteýdi usynyp otyrǵanyn jetkizdi. Tramptyń sózin C-Span telearnasy jariialady.
Alaida ǵalymdar men dárigerler prezidenttiń málimdemesin synǵa aldy. Olar paratsetamol men aýtizm arasyndaǵy bailanysty dáleldeitin ǵylymi derekterdiń joq ekenin aityp, bul pikirdiń negizsiz ekenin atap ótti.
Sonymen qatar, Tramp jańa týǵan nárestelerge V gepatitine qarsy vaktsina salýdyń qajeti joq ekenin de alǵa tartty. Onyń aitýynsha, ekpe tek 12 jastan keiin ǵana ziiansyz bolýy múmkin. Al meditsina salasynyń mamandary mundai pikirmen kelispeidi. Olar baýyrdyń qaýipti aýrýlarynyń aldyn alýdyń eń tiimdi joly – nárestege týǵan sátten bastap ekpe jasaý ekenin eske saldy.
